«Բարսելոնան» «Բավարիային» կհրահրի և կօգտագործի բոլոր հնարքները. Բեկենբաուեր

Մյունխենի «Բավարիայի» պատվավոր նախագահ Ֆրանց Բեկենբաուերը խոսել է Չեմպիոնների լիգայի կիսաեզրափակչում «Բարսելոնա» - «Բավարիա» պատասխան խաղի վերաբերյալ իր ակնկալիքների մասին:

Հիշեցնենք, որ թիմերի միջև առաջին հանդիպումն ավարտվել էր 4:0 հաշվով:

«Բարսան» «Բավարիային» հաղթելու համար փորձելու է  իր ողջ ուժը ներդնել. նրանք գործելու են բոլոր հայտնի և անհայտ մեթոդներով: Կատալոնացիները չեն հանձնվի. ամեն դեպքում ամեն ինչ կանեն, որ փոխեն խաղի ելքը: Եթե անհրաժեշտ լինի, կհրահրեն, կկիրառեն բոլոր հնարավոր հնարքները, քանի որ իրենց հպարտությանը առաջին խաղում մեծ հարված ստացան»,-Բեկենբաուերի խոսքերը մեջբերում է bild-ը: