Տեղի ունեցավ Ֆուտբոլի ակադեմիայի նորակառույց մարզադաշտի բացման արարողությունը
Սպորտ
Ապրիլի 29-ին ՀՖՖ տեխնիկական կենտրոնում՝ Ֆուտբոլի ակադեմիայում տեղի ունեցավ նորակառույց մարզադաշտի բացման հանդիսավոր արարողությունը, որին մասնակցեց Երևանի քաղաքապետ Տարոն Մարգարյանը։ Նոր մարզադաշտի բացումն ազդարարող կարպմիր ժապավենը կտրեցին Տարոն Մարգարյանը և ՀՖՖ տեխնիկական կենտրոնի՝ Ֆուտբոլի ակադեմիայի տնօրեն Արթուր Մանուկյանը:
Այնուհետև ՀՖՖ նախագահ Ռուբեն Հայրապետյանը և Տարոն Մարգարյանը ծանոթացան մարզադաշտի ենթակառուցվածքներին։
Բացման արարողությունից հետո մարզադաշտը տրամադրվեց «Բանանց-2» և «Փյունիկ-2» թիմերի ֆուտբոլիստներին, որոնք անցկացնում էին Հայաստանի Առաջին խմբի առաջնության հերթական տուրի հանդիպումը: Հանդիպման առաջին խորհրդանշական հարվածը կատարեց Երևանի քաղաքապետ Տարոն Մարգարյանը:
ՀՖՖ տեխնիկական կենտրոնի՝ Ֆուտբոլի ակադեմիայի մարզադաշտը ապահովված է 2500 նստատեղով, ծածկած տրիբունայով, 3000 մետր քառակուսի օգտակար մակերեսով եւ սպասարկման շինություններով. տեղեկացնում է ՀՖՖ-ի պաշտոնական կայքը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
