Հայաստանի լավագույն ջազզ կատարողներն այսօր Կասկադում բացօթյա համերգ կունենան

Արդեն երկրորդ տարին է՝ ապրիլի 30-ին աշխարհը նշում է Ջազի միջազգային օրը: Այն տոնում են նաև Երևանում: Այս տարի ջազային երաժշտություն կհնչի նաև Կասկադի բացօթյա հարթակում: Այս մասին Lurer.com-ի թղթակցի հետ զրույցում ասաց Գաֆէսճեան արվեստի կենտրոնի մամլո ծառայության ղեկավար Լիլիթ Սոխակյանը:

«Քանի որ ամեն տարի մենք մասնակցում ենք Ջազզի միջազգային օրվան, այս տարի նույնպես մենք մեր համաձայնությունը տվեցինք բացօթյա ջազ համերգ իրականացնելուն՝ լավագույն ջազ կատարումներով։ Համերգը կսկսվի 19.30-ին: Ներկա կգտնվեն Հայաստանի լավագույն ջազզ կատարողները»,-տեղեկացրեց Լիլիթ Սոխակյանը: