Քրիստինե Պեպելյան. «Իմ երգը տարբերվում է նրանով, որ ես եմ երգում»

Քրիստինե Պեպելյանը վաղը իր լսարանին կներկայացնի նոր երգ՝ նվիրված մեր մայրաքաղաք Երևանին: Երգը հենց այդպես էլ կոչվում է՝ «Երևան»: Երաժշտության հեղինակը Անուշ Ալեքսանյան է, իսկ խոսքերի հեղինակը Արսեն Խաչատրյան է՝ Սենչը: Երեկ երգչուհին արդեն ավարտել է երգի ստեղծագործական մասի աշխատանքը: «Երեկ ձայնագրման ստուդիայից արդեն վերցրել եմ երգիս ձայնագրված տարբերակը: Դեռ հաստատ չեմ որոշել տեսահոլովակ կնկարահանվի, թե ոչ, բայց վաղը երգն արդեն կլինի կայքերում»: Երևանին ձոնված շատ երգեր ու ստեղծագործություններ կան և մեզ հետաքրքրեց, թե ինչով է Քրիստինե Պեպելյանի «Երևան» երգը տարբերվելու այդ երգերից:
«Տարբերվում է նախևառաջ նրանով, որ ես եմ երգում (ծիծաղում է): Չգիտեմ, ես Երևանի մասին երգ չեմ ունեցել: Երբ լսեցի երաժշտությունը միանգամից մտածեցի այն մասին, որ այն կարող է նվիրված լինել մեր մայրաքաղաքին: Ես երգի հեղինակին ևս ասացի այդ մասին, իհարկե հեղինակն ինքն էլ է առաջարկում, բայց այս դեպքում երգի մտահղացումն այս կերպ ծնվեց»,-ավելացրեց երգչուհին: Քրիստինեի կարծիքով Երևանին ինչքան էլ, որ երգ նվիրվի, շատ չի լինի, դեռ մի բան էլ քիչ է: Իսկապես, մեր մայրաքաղաք Երևանն անկրկնելի է, ու դրա գովասանքին նվիրված աշխատանքները ևս գովասանքի են արժանի: «Վաղը այս երգը արդեն կլինի համացանցում՝ հավանաբար Երևան քաղաքը ներկայացնող լուսանկարներով»,-ավելացրեց Քրիստինեն:

Զրուցեց Աշխեն Մնացականյանը / ArmStar.am /