Մենք չենք ծախվելու. Րաֆֆի Հովհաննիսյան

Այսօր Ազատության հրապարակում «Բարև Երևան» դաշինքը հանարահավաք էր կազմեկերպել: Ելույթ ունեցավ նաև «Ժառանգության» առաջնորդ Րաֆֆի Հովհաննիսյանը, ով իր խոսքում ասաց.

«Այսօր մենք ունենք աննախադեպ հնարավորություն ոչ թե տանը նստելու, ոչ թե խավարը անիծելու, այլ մի անգամ Երևանը ժողովրդին վերադարձնելու: Մի ցուցակ կա, բացե՛ք կենսագրությունները, համեմատե՛ք մեր թեկնածուներին մյուսների հետ, մեր մտավորականները, մեր երիտասարդները, քաղաքական գործիչները, իրավաբանները, խմբագիրները, ովքեր կորցրել իրենց աշխատանքը այս կեղծ, ապօրինի, վախկոտ իշխանության քաղաքականության պատճառով, նորից կանգնած են այստեղ, և պայքարը դրա մեջ է: Մայիսի 5-ից հետո ունենալու ենք նոր վիճակ: Ազատ-արդար ընտրությունների դեպքում «Բարև Երևանը» առաջատար է:

Իրական Հայաստանում ոչ մեկը քառասուն տոկոս չի վերցնում, հիմա պատրաստվե՛ք բոլորս, դու, բոլորդ՝ ՀԱԿ, ԲՀԿ, ՀՅԴ, ՕԵԿ, «Առաքելություն» և Հայաստանի քաղաքացի, մայիսի 5-ից հետո կունենանք նոր վիճակ, և նոր վիճակն առանց համար երեք «Բարև Երևան» դաշինքի չի լուծվելու: Մենք չենք նահանջելու, մենք չենք վաճառվելու, մենք չենք ծախվելու: Եթե այսօր նախկին վարչապետը հորդորում է, թե ժողովուրդը փախչում է, մենք պետք է այդ հոսքը կանգնեցնենք, և ես այդ առաջարկը փետրվարի 18-ին Սերժ Սարգսյանին արել եմ: Մայիսի 5-ին ես ինքս գնալու եմ ընտրատեղամաս, հերթական անակնկալը ես պետք է մատուցեմ Հայաստանին և ժողովրդին: Հինգ տարի այս իշխանությունը չի նստելու Բաղրամյան 26: Մայիսի 5-ին Երևանն ունենալու է նոր քաղաքապետ և նոր քաղաքապետարան: