Հրուշակագործ հայ արքայադուստրն ամուսնացել է

Հրուշակագործ հայ արքայադուստրերի՝ Ռենա և Վերա Հովհաննիսյանների մասին esyes.am-ն իր ընթերցողներին պատմել էր դեռևս ամիսներ առաջ: Այսօր նրանք ընտանեկան ուրախալի նորություն ունեն. Վերան ամուսնացել է :)

30-ամյա Վերայի ընտրյալը 31-ամյա դատախազ Կարեն Նազարյանն է: Նրանք ծանոթացել են երևանյան սրճարաններից մեկում: «Ես ու Կարենը հանդիպել և ծանոթացել ենք անցյալ տարի՝ մայիսի վերջերին, երբ ես եկա Երևան: Ամեն ինչ այնքան հանկարծակի եղավ, որ հիմա անգամ լավ չեմ հիշում. որոշ ժամանակ անց պարզվեց, որ մի շարք ընդհանուր ծանոթներ ունենք, մայրիկիս ընկերուհին էլ իրենց հարևանուհին է: Հետո ես դարձյալ մեկնեցի Մոսկվա, այդ ընթացքում սկսեցինք ինտերնետով շփվել: Ոսկե մեդալ ստանալուցս հետո Կարենի կողմից եղավ հարաբերություններն օրինականացնելու առաջարկ, ինչն ինձ համար շատ անսպասելի էր: Այդ մասին չէի էլ մտածել. երկու շաբաթ անց նշանվեցինք»,- պատմեց Վերան:

Զույգի պսակադրությունը կայացել է ապրիլի 6-ին Սուրբ Գրիգոր Լուսավորիչ եկեղեցում՝ Կարենի մտերիմ ընկերոջ քավորությամբ: Հարսանյաց խնջույքը կայացել է երևանյան ռեստորաններից մեկում:
«Մենք ավանդական հարսանիք ենք ունեցել. hարսի հետևից գնալուց մինչև ափսե կոտրելը»,- նշեց Վերան և հավելեց, որ մոտ 250 հյուր են ունեցել, որոնց թվում էր նաև հաղորդավար Ավետ Բարսեղյանը, ով, զբաղվածության պատճառով, զույգին միայն եկեղեցում է շնորհավորել:

Հրուշակագործ հարսնացուն երեկոյի ընթացքում անակնկալ է մատուցել սիրելիին. «Չորս աղջիկներով «Մոկաց հարսներ» երգի ներքո հարսանեկան պար պարեցինք, որը ես Կարենին էի նվիրել»:
Կարենն ու Վերան ամուսնությունից հետո մի քանի օր անցկացրել են Դիլիջանում, իսկ հարսանեկան ճամփորդության կմեկնեն ամռանը:
Ինչ վերաբերում է ընտանիքի համալրմանը՝ Վերան հետևյալն ասաց. «Դեռ փոքրիկ ունենալու մասին նորություններ չունենք, բայց մեզ համար այդ հարցն առաջնային է»:

{gallery}1205{/gallery}