«Իմաստասեր» Արմեն Թադևոսյանը

Նրա «Իմմա՜ստը» արտահայտությունն այսօր շատերի բառապաշարի մեջ է մտել՝ ձեռքերի պարտադիր շարժումով: Ինչպես նաև ժամանակին «թևավոր» դարձան նրա հեղինակային «յա՜խք, էս ինչ կեղտոտ պադեզդ ա», կամ «նորութույնները» արտահայտությունները: Նախկին ՈՒՀԱ-ական, ապա սցենարիստ, դերասան, հաղորդավար, Թադևոսյանի հետ փորձեցինք բացահայտել մեր մեդիաոլորտի մի շարք երևույթների «իմմա՜ստը»...

- Նախ կխոսեք եթեր-կյանք «կապի» մասին. Ինչպե՞ս են ծնվում նման արտահայտությունները, որոնք «թևավոր» են դառնում:

- Եթե անկեղծ՝ ինքս էլ չգիտեմ, թե ինչպես են ծնվում: Թերևս դրանք մեր առօրյայի ու շրջապատի այս կամ այն երևույթի հանդեպ բոլորիս հոգում եղած վերաբերմունքի զգացմունքային, գուցե և չափազանցված արտահայտչամիջոցներն են, որոնք շատերը մինչ այդ չէին գտնում (նշենք, որ «Comments» հումորային հեռուստածրագրում Արմեն Թադևոսյանը փորձում է մեկնաբանել զավեշտալի լուսանկարներ և տեսանյութեր, իսկ դրանցից ամենաահեթհեթների վերաբերյալ միայն տարակուսում է, ասելով իր բրենդայինէ «իամմա՜ստը»-հեղ.): Ի դեպ. Վերջերս «Facebook»-ում հայտնվել է իմ ձեռքեր ժեստի ֆոտոշոփ արված պատկերը, որով օգտատերերը կարող են իրենց տարակուսանքն արտահայտել տարբեր անհեթեթուոյունների վերաբերյալ, ասելով՝ իմա՜ստը...

- Ենթադրում եմ, որ փողոցում էլ եք Ձեր հետևից հաճախ այդ արտահայտությունը լսում...

- Պատահում է (ժպտում է()...Ինչպես որ առաջին անգամ «Մեր բակը» ֆիլմից հետո մարդիկ բավական ժամանակ ինձ տեսնելիս հարցնում էին. «Վերջը քեռիդ քեզ բանակ տարա՞վ» (հիշեցնենք, որ Արմենն այդ ֆիլմում է այն երիտասարդին, ում սպա քեռին՝ Լևոն Շարաֆյանի դերակատարմամբ , նրա հետևից ընկած, ուզում է բանակ տանել-հեղ.):

- Այնուամենայնիվ, կարծում եմ, Ձեզ առավել լայն ճանաչում բերեցին ներկայիս «Comments»-ի հումորային հեռուստամեկնաբանությունները:

- Ճիշտն ասած՝ այսօր խիստ զբաղված լինելով ու կյանքը, ինչպես ասում են՝ միայն աշխատասենյակի պատուհանից տեսնելով, չեմ էլ հասցնում «վայելել» այդ ճանաչելիության քաղցրությունը (ժպտում է): Ուշադրություն էլ չեմ դարձնում նման բաների վրա: Ավելի շատ ուրախանում եմ արված աշխատանքի համար՝ դեռ այն ժամանակվանից , երբ 20 տարի առաջ մի խումբ ընկերներով ստեղծեցինք ՈՒՀԱ-ի մեր թիմը և Ռուսաստանում էլ մի շարք խաղերի մասնակցեցինք:

- Փաստորեն այդտեղից է «գալիս» Ձեր կապը «Շարմ» հեռուստաընկերության հետ:

- Այո՛: Թեև իմ ՈՒՀԱ-ական «կյանքը» շատ հետաքրքիր էր ու հաճելի, ես սկսեցի իմ համագործակցությունը «Շարմ» ընկերության հետ և շուտով մասնակցեցի «Մեր բակը» ֆիլմի սցենարային աշխատանքներին, ինչպես նաև խաղացինք այնտեղ: Հիշում եմ, երբ առաջին անգամ դիտեցի ֆիլմը, մի տեսակ թերահավատություն կար մեջս, սակայն այն, ինչ քաղաքում ցուցադրոթյան հաջորդ իսկ օրվանից, ինչպես ասում են՝ վերջն էր...

- Հետո էլ շարունակվեց Ձեր համագործակցությունը Մարկ Սաղաթելյանի հետ...

- Դա արդեն «Tv5» հեռուստալիքում էր. «Նորութույններ» ծրագրում, որի սցենարը սկզբում մենակ էի գրում ու վարում, հետո ինձ միացավ Մարկ Սաղաթելյանը: Դրան զուգահեռ վարում էի «Tv նվեր» կոմերցիոն հեռուստաշոուն: Ի դեպ, ասեմ, որ ի սկազբանե «Նորութույնները» հայտնվել են ռադիոեթերում, հետո նոր տեղափոխվել է հեռուստաէկրանին:

- Դուք ակնարկում եք Ձեր հետագա ռադիոգործունեության կահատվածներում ակունքնենա՞րի մասին:

- Հեռուստատեսությանը զուգահեռ ես տարբեր ժամակահատվածներում աշխատել եմ «Fm.107» ռադիոկայանում ՝որպես սցենարիստ, նաև ստանձնել եմ գլխավոր խմբագրի պաշտոնըԼ Այսօր էլ «Ռադիո Ջան»-ում վարում եմ «Լրահոտ» հումորային ծրագիրը, որը ներկայացնում է օրվա լրահոտը՝ հումորային տարբերակը:

- Բայց հիշում եմ՝ շատ չանցած, սկսցիք նկարահանվել «Հարևաններ» սերիալում...

- Երբ սկսվեց «Հարևանները», հեռուստաէկրանին դեռ շատ քիչ էին սերիալները, ու թեև «Մեր բակում» որոշ չափով առնչվել էի դերասանական արվեստի հետ, այնուամենայնիվ ինձ հետաքրքիր էր ուժերս փորձել նաև հումորային սերիալում: Սակայն Բաբիկ անունով հերոսս ընդամենը վեց ամիս «ապրեց», քանի որ «սցենարային հանգամանքները» ստիպեցին ինձ հրաժեշտ տալ «Հարևաններին»: Ի դեպ, այդ ժանակաշրջանում մեկ այլ նախագծի սցենարային աշխատանքներին՝ համագործակցում էի «Կարգին հաղորդման» թիմի հետ:

- Սակայն, որքան գիտեմ՝ այժմ նկարահանվելով «Երե1» հեռուստասերիալում, դրա սցենարին չեք մասնակցում:

- Այո՛, այստեղ միայն ՀՀ նախագահի թեկնածու Վիպոյանի խորհրդատու Պապիկյանն եմ , ով տեղով «ուղեղ» է , բայց դրա հետ մեկտեղ ուրույն «աշխարհում» է ապրում: Նա խելացի մտքեր է արտահայտում, խելացի բառեր օգտագործում , բայց հաճախ հայտնվում է զավեշտական իրավիճակներում: Օրինակ՝ վերջին սերիաներից մեկում Պապիկըյանը քարտուղարուհունխնդրում է ցույց տալ դոսյեները, իսկ աղջիկը հասկանալով՝ «դոշերները», վիրավորվում է ո ապտակում հերոսիս...

- Հետաքրքիր է՝ կյանքի իրավիճակներում է՞լ եք իմաստ փնտրում:

- ...(Ժպտում է) Հիմա ավելի շատ, քանի որ տարիքիցս ելնելով՝ մի քիչ ավելի բծախնդիր եմ դարձել: Կյանքում շատ բաներ կան, որ իրենց անիմաստությամբ մտածելու տեղիք են տալիս...

- Կարծում եմ՝ այնքան էլ մեծ չեք, որպեսզի ինչ-ինչ բաներ տարիքին վերագրեք...

- Մեկ ամիս առաջ 40-ս լրացավ: Բայց, իրոք, եթե մորուքս սափրեմ, ավելի երիտասարդ կերևամ, թեև համոզված եմ՝ կարևորը հոգով երիտասարդ լինելն է: Ու շատ ուրախ եմ, որ դեռ չեմ սպառվել, քանի որ հումորի ասպարեզում որոշակի դադարներով եմ հանդես գալիս: Չնայած երբեմն դրանք էլ են անհրաժեշտ:

- Մշտապես բազմազբաղ լինելով հանդերձ՝ հասցրե՞լ եք ընտանիք կազմել:

- Բարեբախտաբար, այո՛. Կինս ու երեխաներս առանձնահատուկ դեր ունեն իմ կյանքում: Ի դեպ, դուստրս՝ Էլենս, արդեն հումորներ է անում, երբ նրան որևէ ոչ այնքան ցանկալի բան են հորդորում անել, հակադարձում է՝ իմմա՜ստը...

Հարցազրույցը՝ Tvմոլ շաբաթաթերթի

Զրուցեց Էմմա Մանուկյան