Քավոր Հարութը կարողացել է խոսել, նրան նաև հարցաքննել են

Ապրիլի 23-ին Գյումրիում հնչած կրակոցներից հետո շտապ Գյումրու բժշկական կենտրոն տեղափոխված Հարություն Խաչատրյանը, ով գյումրեցիներին ավելի շատ հայտնի է «Քավոր Հարութ» մականվամբ, արդեն հարցաքննվել է իրավապահների կողմից: Չնայած նրան, որ կրակոցներից հետո' գնդակը մտնելով նրա թեւից, պտտվել էր մարմնում եւ հանգրվանել լեզվարմատում, վիրահատվելուց հետո վերականգնվել է խոսելու կարողությունը, եւ նա նաեւ հարցաքննվել է: Վիրահատող բժիշկ Խաչատուր Կարապետյանի խոսքերով՝ նրա վիճակը հիմա բավարար է: Այս մասին գրում է ԳալաTV-ին:

«Հարությունի առողջական վիճակը այս փուլում գնահատվում է բավարար վիճակում, նա շարունակում է մնալ հիվանդանոցում եւ ստացիոնար վերականգնողական բուժում ստանալ: Խոսել է, նրան հարցաքննել են նաեւ:

Դուրս գրման մասին չեմ կարող ասել ոչինչ, որովհետեւ դուրս գրումը ոչ միայն առողջականի, այլ իրավական խնդիրների հետ է կապված, որոշելու են իրավապահ մարմինները: Մեծ վտանգները' առողջական տեսակետից, արդեն անցյալում են»:

Հիշեցնենք, որ Գյումրիում ապրիլի 23-ին հնչած կրակոցներից հետո Գյումրու բժշկական կենտրոն տեղափոխված Շեկո մականվամբ Արտյոմ Կարապետյանը մահացել էր հիվանդանոցում՝ վիրահատության ժամանակ, իսկ Հարություն Խաչատրյանը (Քավոր Հարութ) տեղափոխվել էր հիվանդանոց եւ տեւական ժամանակ գտնվում էր վերակենդանացման բաժանմունքում: