Թբիլիսիում մայիսմեկյան երթը վերածվել է ոստիկանության հետ բախումների

Մայիսի 1-ին Վրաստանի մայրաքաղաք Թբիլիսիում փոքրիկ ընդհարում է տեղի ունեցել Աշխատավորների համաշխարհային օրվա տոնի կապակցությամբ ընթացող երթի մասնակիցների և ոստիկանության միջև. գրում է ИТАР-ТАСС-ը:

Ինչպես հայտարարել են Վրաստանի ՆԳՆ-ից, «երթի մասնակիցների կողմից նկատվել են հասարակական կարգի խախտումներ»: Մասնավորապես, ըստ ոստիկանության, ակցիայի մասնակիցները չեն պահպանել երթի անցկացման կանոնները և ժամանակ առ ժամանակ խանգարել են տրանսպորտային երթևեկությանը:

Բացի այդ, երթի ընթացքում մասնակիցները վնասել են քաղաքացիներից մեկի ավտոմեքենան և ոստիկանության մի քանի մեքենա: Դրա արդյունքում օրենքի շրջանակներում իրականացվել է վարչական ձերբակալում. ասված է ՆԳՆ-ի տարածած հայտարարության մեջ:

Ձերբակալվածները ստորագրությամբ ազատ են արձակվել: