«Բարսելոնան» պատրաստ է հրաժարվել Աբիդալից և Վիլյայից

Կատալոնական «Բարսելոնան» պատրաստ է հրաժարվել թիմի երկու ֆուտբոլիստներից՝ Էրիկ Աբիդալից և Դավիդ Վիլյայից:

Ինչպես տեղեկացնում է իսպանական մամուլը, կատալոնյան թիմը չի ցանկանում երկարաձգել պայմանագիրը Աբիդալի հետ:

Տիտո Վիլանովան և իր օգնականները համոզված չեն, որ Աբիդալը կկարողանա վերականգնել իր նախկին մարզավիճակը: Ավելի վաղ հայտարարվում էր, որ «Բարսան» ցանկանում է ֆուտբոլիստին նշանակել ակումբի դեսպանը ողջ աշխարհում:

Վիլանովայի թիմը կդիտարկի նաև բոլոր այն առաջարկները, որոնք կապված կլինեն Դավիդ Վիլյայի հետ: 

Նշենք, որ Վիլյայի ծառայություններով հետաքրքրված են «Տոտենհեմն» ու «Արսենալը», սակայն կատալոնյան ակումբը դեռևս հստակ առաջարկ չի ստացել: