Ով ուզում է տեղաշարժ, թող քվեարկի Դաշնակցության օգտին. մեկնարկեց ՀՅԴ հանրահավաքը
Քաղաքական
Երևանի Շառլ Ազնավուրի անվան հրապարակում քիչ առաջ մեկնարկեց ՀՅԴ հանրահավաքը: Այս հանրահավաքով ՀՅԴ-ն եզրափակում է Երևանի ավագանու ընտրություննների նախընտրական քարոզարշավը:
Ելույթով հանդես եկավ Արծվիկ Մինասյանը, ով նշեց, որ այս քարոզարշավի ընթացքում ՀՅԴ-ն կարողացավ իր թիմով հանդիպումներ ունենալ Երևանի բոլոր վարչական շրջաններում:
Վերջինս նշեց, որ ի տարբերություն շատերի՝ իրենք քարոզարշավին ներգրավվել էին գրեթե ամբողջ թիմով. «Մեր համամասնական ցանկը կազմված է ոչ միայն քաղաքական, այլև մասնագիտական, կառավարման փորձառություն ունեցող ՀՅԴ-ական և անկուսակցական ներկայացուցիչներից: Մեր ցանկում ընդգրկված մարդկանց միավորում է պատվախնդրությունը, հայրենասիրությունը»,-ասաց Արծվիկ Մինասյանը:
Վերջինս նշեց նաև, որ իրենք պատրաստ են Երևանի բյուջեն հասցնել մինչև 4 մլրդ դրամի կամ 1 մլն դոլարի:
Աղվան Վարդանյանն էլ իր հերթին նշեց. «Ով ուզում է՝ իր կամ իր ընտանիքի կյանքում ոչինչ չփոխվի, թող գնա, քվեարկի Հանրապետական կուսակցության օգտին, թող գնա, քվեարկի ՀՀԿ-ի կողքի փոքր կուսակցության՝ «Օրինաց երկրի» օգտին: Ով ուզում է տեղաշարժ, թող քվեարկի Դաշնակցության օգտին»:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
