Ես իմ կնոջ ունեցվածքը չեմ հաշվել. Ալեքսանդր Բաբասյան

Դերասան Ալեքսանդր Բաբասյանի ու իր ապագա կնոջ հարաբերությունները դասավորվել են «հալած յուղի պես»: Իսկ ահա այն խոսակցությունները, թե Ալեքսանդր Բաբասյանն իր կնոջ հետ ամուսնացել է շահից ելնելով՝ նա զուտ բամբասանքներ է որակում: Դերասանը Slaq.am-ի հետ զրույցում պատմեց իր ապագա ծրագրերի ու ընտանեկան երջանկության մասին:

–Հիմա ինչո՞վ եք զբաղվում, ի՞նչ նորություններ ուենք Ձեր երկրպագուների համար։

-Ես արդեն մեկ ու կես ամիս է, ինչ հանգստանում եմ, այսպես ասած՝ արձակուրդի մեջ եմ։ Ավարտել եմ նկարահանումներս։ Ունեմ մի քանի առաջարկներ, բայց կարծես թե համաձայնության եմ եկել, դեռ գաղտնի է, բայց շուտով բոլոր երկպագուները կիմանան, թե ինչի մասին է խոսքը։
Արձակուրդից հետո մեկնել եմ Մոսկվա, հետո մեկնել եմ Եգիպտոս հանգստանալու՝ կնոջս հետ, որից հետո մեկնել եմ Բուլղարիա՝ և՛ հանգստանալու և բնակարան գնելու ծովի ափին։ Իսկ հիմա նորից Մոսկվայում եմ և շուտով կվերադառնամ Հայաստան, կնկարահանվեմ և կանցնեմ իմ աշխատանքին։

–Ո՞րն է Ձեր երջանկության բանաձևը։
–Իմ երջանկության բանաձևը ես պատկերացնում եմ սիրո, ընտանեկան ջերմության, հանգստության ու փոխհասկացողության մեջ։

– Ձեր հարսանիքը մեծ աղմուկ հանեց և շատերն են խոսում, որ Դուք Ձեր կնոջ հետ ամուսնացել եք ոչ թե սիրուց, այլ շահից ելնելով: Արդյո՞ք Ձեր կինը ֆինասնապես ավելի ապահոված է, քան Դուք։

– Իրականում ես իմ և կնոջս ունեցվածքը չեմ հաշվել ու համեմատել, որ ասեմ թե ով է ավելի ապահովված։ Բայց հստակ ասեմ, որ ինձ ճանաչողները գիտեն իմ հնարավորությունների մասին, և հետևապես, դրանք զուտ բամբասանքեր են։ Ես սիրում եմ իմ կնոջը. նա միակն է աշխարհում, ով կարողացավ ինձ իրական երջանկություն պարգևել։

–Ո՞րն է Ձեր կյանքի գերագույն նպատակը:
–Երևի գերագույն նպատակ կարելի է համարել երջանիկ ընտանիք ունենալը, բայց երևի թե նպատակները անընդհատ իրականանում են և նորերն են առաջ գալիս։ Երևի թե տարիքի հետ նպատակների և՛ որակը, և՛ տեսակը փոխվում է։

–Ի՞նչ խենթ քայլերի եք գնացել հանուն Ձեր կնոջ:
-Խենթ քայեր սիրող մարդը գրեթե ամեն քայլափոխի գործում է։ Բայց հետաքրքիր և շատ մեծ խենթությունն այն է եղել, որ վերջին անգամ Լիլիթը՝ իմ կինը, եկավ Երևան։ Նշեմ, որ նա եկել էր ուղղակի ինձ մոտ և մենք չէինք պայմանավորվել ամունության մասին և ես չթողեցի, որ նա հետ գնա ու ամուսնության առաջարկ արեցի, որից հետո շուտով նշանվեցինք, հետո ամուսնացանք։ Իմ կարծիքով դա ոչ միայն անակնկալ էր, այլև խենթություն, քանի որ ամուսնության մասին շատ խոսում են և տրամադրվում կյանքի ուրիշ մի տեսակի կողմում, նախապատրաստվում են և այլն, իսկ մենք այնքան մտերիմ էինք ու զգում էինք միմյանց, որ ստացվեց «հալած յուղի պես»։

–Հետաքրքրվու՞մ եք քաղաքականությամբ։
–Իհարկե, հետաքրքվում եմ։ Երևի թե ցանկացած խելացի և հասունացած տղամարդու նախասիրությունների մեջ պետք է մտնի թե՛ նախընտրական վիճակը, թե՛ արտաքին քաղաքական վիճակը։ Ես նշեմ, որ 20 տարեկանից զբաղվել եմ քաղաքականությանբ, շփվել քաղաքական գործիչների հետ, ինչպես նաև մոտ 3 տարի եղել եմ մեր առաջատար կուսակցություններից մեկի կենտրոն համայնքի երիտասարադական խորհրդի նախագահ, աշխատել եմ քաղաքապետարանի տրանսպորտի տեսչությունում, հետո կտրուկ որոշեցի ավարտել իմ այդ գործունեությունը։

–Արդյոք ունե՞ք կոմպլեքսներ, եթե այո, ապա ինչի՞ց եք կոմպլեքսավորվում:
–Ոչ կոմպլեքսներ չունեմ, կատեգորիկ ոչ մի կոմպլեքս և ոչ մի տեղում։
– Ինչպե՞ս եք Ձեզ պատկերացնում 20 տարի անց։
–Եթե անկեղծ՝ ես ինձ չեմ պատկերացնում նույնիսկ 10 տարի անց, քանի որ իմ անցած կյանքն այնքան բազմազան է եղել և շատ բնագավառներում այնքան անակնակալ կերպով եմ հայտնվել բարձունքներին, որ չեմ պատկերացնում, թե ինչ կլինի 10 տարի հետո։ Բայց, վստահ եմ, որ լավ կլինի։