Հենրիկ Մխիթարյանն ու նրա թիմակիցները ոսկե մեդալով կպարգևատրվեն մայիսի 26-ին

Ուկրաինայի առաջնության այս մրցաշրջանի ավարտին «Շախտյորին» «Դոմբաս Արենայում» մնացել է անցկացնել երկու խաղ:

Մայիսի 11-ին «հանքափորներն» առաջնության շրջանակներում կխաղան «Տավրիայի» հետ, իսկ եզրափակիչ տուրում մայիսի 26-ին կհյուրընկալեն «Մետալուրգին»:

«Շախտյոր»-«Մետալուրգ» խաղի ավարտին «Դոմբաս Արենայում» «հանքափորները» կպարգևատրվեն ոսկե մեդալով, որին կհաջորդի տոնական համերգ՝ նվիրված «Շախտյորի» 8-րդ չեմպիոնական տիտղոսին: