Պատասխան չունեմ, թե ինչու չի ստացվում հաղթել հենց Կրասնոդարում. Սարկիսով

Ռուսաստանի առաջնության 27-րդ տուրում «Կրասնոդարին» 2:0 հաշվով պարտվելուց հետո «Վոլգայի» և Հայաստանի ազգային հավաքականի ֆուտբոլիստ Արթուր Սարկիսովը նշել է, որ պարտության պատճառն իրեն պարզ չէ:

«Ես պատասխան չունեմ, թե ինչու չի ստացվում հաղթել հենց Կրասնոդարում: Պատրաստվում էինք խաղալ հաղթանակի համար: Չստացվեց միգուցե այն պատճառով, որ մեզ կոտրեց  առաջին անսպասելի, նույնիսկ՝ զավեշտալի գոլը: Այժմ միավորներ պետք է վաստակել յուրաքանչյուր խաղում: Կփորձենք  առավելագույնս ձեռքբերել հաջորդ խաղերում»,-Սարկիսովի խոսքերը մեջբերում է «Վոլգայի» պաշտոնական կայքը: