ԱՄՆ-ի նահանգները հրաժարվում են տեղ հատկացնել Տամերլան Ցարնաևի հուղարկավորության համար
ԱՄՆ
ԱՄՆ-ի 3 նահանգները՝ Մասաչուսեթս, Կոնեկտիկուտ ու Նյու Ջերսի, հրաժարվել են տեղ հատկացնել իրենց գերեզմանոցներում Բոսթոնի ահաբեկչության հեղինակ 26-ամյա Տամերլան Ցարնաևի դիակը հողին հանձնելու համար. հայտնում է ABC News-ը:
Մասաչուսեթս նահանգի Քեմբրիջ քաղաքում, ուր բնակվում էր Ցարնաևը, զանգվածային ցույցեր են տեղի ունեցել տեղի բնակիչների կողմից, ովքեր պահանջում էին ԱՄՆ-ի իշխանություններից ահաբեկչին թաղել ԱՄՆ-ի տարածքից դուրս: Տամերլանի հորեղբայրը՝ Ռուսլան Ցարնին, ով ժամանել էր իր զարմիկի մարմինը վերցնելու, այդ կապակցությամբ հայտարարել է, որ Տամերլանն «ապրում էր ԱՄՆ-ում, մեծացել է այստեղ և նրա հայրենիքը ԱՄՆ-ն է: Նա պետք է հողին հանձնվի այստեղ»,-նշել է Ցարնին:
Վուսթերի թաղման բյուրոյի տնօրեն Փիթեր Ստեֆանը տեղական ԶԼՄ-ներին հայտարարել է, որ իրենք բոլորին թաղում են՝ անկախ այն հանգամանքից, թե ովքեր են եղել հանգուցյալները կյանքի օրոք, ուստի՝ կթաղեն նաև Ցարնաևին: «Եթե նրան մերժում են հուղարկավորել Քեմբրիջում և այլ վայրերում, դա չի նշանակում, որ մենք չենք կարողանալու թաղել նրան»,-նշել է նա:
Ավելի վաղ նա հայտարարել էր, թե Ցարնաևը հողին կհանձնվի երկուշաբթի օրը (Երևանի ժամանակով երեքշաբթի) մայրամուտին, ինչպես որ պահանջում է իսլամական ավանդույթը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
