Վրաստանի խորհրդարանը քննարկում է աբորտներն արգելելու խնդիրը
Վրաստան
Վրաստանի առողջապահության և սոցիալական հարցերով խորհրդարանական հանձնաժողովը պատրաստվում է քննարկման դնել աբորտներն արգելելու մասին վրաց պատրիարք Իլյա 2-րդի նախաձեռնությունը. գրում է Trend-ը:
«Աբորտներն առհասարակ արգելելն անթույլատրելի է, քանի որ դա կհանգեցնի անօրինի կատարվող աբորտների թվին կտրուկ աճին»,- հայտարարել է հանձնաժողովի նախագահ Դմիտրի Խունդաձեն:
Համայն վրաց պատրիարք Իլյա 2-րդը Վրաստանի իշխանությոններին կոչ էր արել օրենսդրական ճանապարհով արգելել երկրում հղիության ընդհատումները: Պատրիարքի խոսքերով՝ նման որոշում պետք է կայացվի՝ ելնելով երկրի ժողովրդագրական ցուցանիշների գրանցվող անկումներից:
Այդ կապակցությամբ ելույթ է ունեցել վարչապետ Բիձինա Իվանիշվիլին, ով նշել է, որ ժողովրդագրական ցուցանիշները բարձրացնելու համար աբորտներն արգելելը հարցի լուծում չէ: Առաջին հերթին՝ անհրաժեշտ է լուծել երկրի հիմնական խնդիրները, բարձրացնել տնտեսական ցուցանիշները և կյանքի սոցիալական պայմանները: «Ընտանիքները պետք է հնարավորություն ունենան ավելի լավ պայմաններում ապրելու համար, որպեսզի ցանկանան երեխաներ ունենալ»,-լրագրողներին ասել է Իցվանիշվիլին:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
