Իմ խաղում ռիսկը ոչ միշտ է իրեն արդարացնում. Արոնյան

Հայ գրոսմայստեր Լևոն Արոնյանը chesspro.ru-ին տված ծավալուն հարցազրույցում նշել է.

«Չգիտեմ ինչպես են մյուսները խաղում, սակայն ես իմ լավագույն պարտիաները խաղացել եմ ոգեշնչման պահին: Այս բաղադրիչն ինձ համար շատ կարևոր է: Կարևոր է, նաև որ սրահում լինի հանրություն: Սիրում եմ, երբ մարդիկ գալիս են և դիտում են, այդ ժամանակ ինձ ավելի լավ եմ զգում: Հաղթել ցանկանում եմ, սակայն դրա համար չեմ խենթանում: Փորձում եմ անել այն ամենը, ինչն ինձանից է կախված, սակայն եթե չեմ հաղթում, այնքան էլ չեմ տխրում, քանի որ հասկանում եմ որ այլևս ոչինչ անել չեմ կարող: Մրցակիցներս նույնպես ցանկանում են հաղթել, և ես նրանց հարգում եմ: Երբ երկու ուժեղագույն շախմատիստ խաղում են, պարտադիր չէ, որ նրանցից մեկը հաղթի: Միանշանակփորձում եմ հաշվի առնել հոգեբանական կողմը: Երբեմն գուշակում եմ, երբեմն էլ՝ ոչ: Իմ խաղում առկա է ռիսկի մեծ տոկոս և ոչ միշտ է այն իրեն արդարացնում:

Շախմատիստներից ինձ շատ է դուր գալիս Գելֆանդը, ոչ միայն որպես ընկեր, այլև՝ մարտիկ. նա միշտ պատրաստ է պայքարի, իսկ դա շատ թանկ արժե: Ես խաղում եմ պատմության մեծագույն շախմատիստների հետ, և դա շատ հաճելի է: Անունները շատ են՝ Իվանչուկ, Անանդ, Տոպալով: Սակայն առաջին երկուսին ես կառանձնացնեմ. նրանց համարում եմ շատ ուժեղ շախմատիստներ և նրանց համարում մի փոքր ավելի բարձր կարգով: Եթե աղջիկ կամ տղա ունենամ, կցանկանայի, որ նրանք նույնպես զբաղվեն շախմատով: Կցանկանայի աղջիկս կրկներ Յուդիտ Պոլգարի հաջողությունը»,- նշել է Արոնյանը։

Արոնյանի ամբողջական հարցազրույցը կարող եք կարդալ այստեղ: