Դորտմունդի «Բորուսիան» և ևս 5 ակումբ՝ Հենրիկ Մխիթարյանի համար

sports.ru կայքը հրապարակել է եվրոպական այն ակումբների ցանկը, որտեղ, հնարավոր է, տեղափոխվի Դոնեցկի «Շախտյորի» առաջատար Հենրիկ Մխիթարյանը.

1. «Յուվենտուս»

«Մխիթարյանի համագործակցությունը Մինո Ռայոլայի հետ ակնհայտ է դարձնում, որ ֆուտբոլիստի՝ նոր ակումբ տեղափոխվելու առաջնային տարբերակը Իտալիան է: Անտոնիո Կոնտեն հայտարարել է, որ ցանկանում է հաջորդ մրցաշրջանում ուժեղացնել թիմի հարձակման գիծը: Ակումբն արդեն համաձայնության է կնքել Լյորենտոյի հետ և թուրինյան թիմի հետաքրքրության կենտրոնում են հայտնվել Իբրահիմովիչը, Սանչեսը, Իգուաինը, սակայն «Յուվեն» այսքանով չի սահմանափակվի: Թիմին չի խանգարի խաղը արագացնող ֆուտբոլիստ՝ այն որ Մխիթարյանը դրան ունակ է Կոնտեն երկու ահնգամ անձամբ համոզվելու հանարավորություն է ունեցել: Միակ խնդիրը դոնեցկյան թիմի առաջատարի  տրանսֆերային բարձր գինն է: Սակայն «Յուվենտուսի» մարզական տնօրեն Բեպե Մարոտային համոզել, որ Մխիթարյանի համար ներդրում կատարելն ավելի հետաքրքիր է, օրինակ Լիսանդրո Լոպեսի կամ էլ Ռոբենի փոխարեն, այնքան էլ դժվար չի լինի»:

2 «Միլան»

«Միլանին» անհրաժեշտ է  կիսապաշտպան, ով կկարողանա զարմացնել և սահուն կերպով կառուցել գրոհներ:

Ակումբը արդեն դիտարկում է մի քանի ֆուտբոլիստի: Վերը նշված հատկություններից զատ՝ Մխիթարյանն ունի նաև լավ գոլային հոտառություն: «Միլանը» կարող է հետագա զարգացման համար Մխիթարյանին տալ անհրաժեշտ ամեն ինչ և նրան վերածել ԱՊՀ-ի ամենատաղանդավոր ֆուտբոլիստներից մեկին, ինչպես դա եղավ Անդրեյ Շևչենկոյի հետ:

3. «Չելսի»

Ապրիլյան գլխավոր խոսակցությունը, որը պտտվում էր Աբրամովիչի անվան շուրջ, կապված էր Հենրիկ Մխիթարյանի՝ «Սթեմֆորդ Բրիջում» հայտնվելու հավանականության հետ: Հենրիկի տեղափոխությունը «Չելսի» տրամաբանական կլինի ինչպես ակումբի, այնպես էլ ֆուտբոլիստի կողմից:

4. «Լիվերպուլ»

Համաձայն The Telegraph-ի՝ անգլիական թիմի ուշադրության կենտրոնում Բեն Արֆայի, Էրիկսենի կողքին հայտնվել է նաև Մխիթարյանը: Կասկած չկա, որ Մխիթարյանը կարող է ընդգրկվել Սուարեսի, Սթարիջի, Կոուտինյուի թիմում: Միակ հարցը, որն առաջանում է այս իրավիճակում, կխաղա արդյոք ակումբը Չեմպիոնների լիգայում. այս հարցը հետաքրքիր է նաև ֆուտբոլիստին:

5. ՊՍԺ

Արսեն Վենգերի հետ պայմանագիր կնքելու դեպքում ՊՍԺ-ն խաղացողների համար դառնում է գրավիչ ակումբ, առավել գրավիչ է այն ֆուտբոլիստների համար, ովքեր սպասում են իրենց առաջին լուրջ մարտահրավերին, նման ֆուտբոլիստ է Մխիթարյանը:

6. «Բորուսիա» Դորտմունդ 

Այս ամռանը Մարիո Գյոտցեն կտեղափոխվի Մյունխեն, և «Բորուսիայի» առանցքային խնդիրներից մեկն այժմ տաղանդավոր և ոչ պակաս  հեռանկարային հարձակվողական ոճի կիսապաշտպանի փնտրտուքն է, ով կփոխարինի նրան: Եվ քանի որ «Բորուսիան» այժմ հետաքրքրված է Ռոման Երեմենկոյով, դժվար է հավատալ, որ Մխիթարյանը նրանց ուշադրության կենտրոնում չէ: