Հայաստանի և ԱՄԷ բարձրագույն վերահսկիչ կառույցների միջև կապերն ամրապնդվել են

ՀՀ Վերահսկիչ պալատի նախագահ Իշխան Զաքարյանն ընդունել է Արաբական Միացյալ Էմիրությունների (ԱՄԷ) Վերահսկիչ պալատի նախագահ դոկտոր Հարիբ Ալ Ամիմին: ԱՄԷ բարձրագույն վերահսկիչ կառույցի պատվիրակությունը պաշտոնական այցով Երևան է ժամանել մայիսի 7-9-ը՝ ՀՀ ՎՊ նախագահի հրավերով:

Հայաստանի և ԱՄԷ բարձրագույն վերահսկիչ մարմինների ղեկավարները քննարկել են երկուստեք հետաքրքրություն ներկայացնող հարցեր, մասնավորապես, հետագա համագործակցությանը, համատեղ վերահսկողությանը, փորձի փոխանակմանը վերաբերող:

Հայաստանի և ԱՄԷ բարձրագույն վերահսկիչ կառույցների միջև կապերն ավելի են ամրապնդվել վերջին երկու տարիների ընթացքում: Երկխոսության և համագործակցության զարգացման պայմանավորվածությունը ձեռք էր բերվել 2011 թվականին ՀՀ վերահսկիչ պալատի նախագահ Իշխան Զաքարյանի Աբու Դաբի կատարած պաշտոնական այցի ընթացքում:

ԱՄԷ Վերահսկիչ պալատի նախագահ դոկտոր Հարիբ Ալ Ամիմին այցելել է Ծիծեռնակաբերդի հուշահամալիր՝ ծաղկեպսակ դրել Մեծ Եղեռնի զոհերի հիշատակը հավերժացնող հուշակոթողին:

ՀՀ ՎՊ լրատվական ծառայություն