Գավաթի եզրափակիչներում ֆավորիտներ չկան. Արտակ Եդիգարյան

Գավաթի եզրափակիչ խաղից առաջ ակումբի մամուլի ծառայությանն իր կարծիքն է հայտնել «Փյունիկի» կիսապաշտպան Արտակ Եդիգարյանը:
«Շիրակը» մի քանի օր առաջ դարձավ Հայաստանի չեմպիոն, և դա պատահական չէ: Գյումրիի թիմն ամբողջ մրցաշրջանում լավ հանդես եկավ և հիմա էլ կփորձի նվաճել Հայաստանի գավաթը:

Բայց գավաթի եզրափակիչներում ֆավորիտներ չկան: Կա մեկ վճռական խաղ, և կարող է հաղթել այն թիմը, որը լավ պատրաստ կլինի տվյալ պահին: Մենք էլ մեր հերթին ցանկանում ենք ուրախացնել մեր ֆուտբոլասերներին և կփորձենք նվաճել Հայաստանի գավաթը»,-Եդիգարյանի խոսքերը մեջբերում է «Փյունիկի պաշտոնական կայքը: