ԲՀԿ-ն, այս անգամ «ընդդիմություն» անվան տակ, գործարկեց իր ավանդական զանգվածային ընտրակաշառքների համակարգը

«ՀԱԿ կուսակցությունների դաշինք» Երեւանի ավագանու խմբակցության ԸՕՎ Կենտրոն ստորագրությամբ մի շարք լրատվամիջոցներում երեկ հաղորդագրության տեքստ հայտնվեց, որն ըստ էության գնահատական էր կայացած ընտրությունների վերաբերյալ: «Սերժ Սարգսյանը, իր ՀՀԿ խմբով, անցկացրեց հերթական ապօրինի «ընտրությունը»՝ զանգվածային եւ արդեն ավանդույթ դարձած օրինախախտումներով:

Սակայն Երեւանի ավագանու 2013թ. Ընտրություններին ավազակաիշխանության կողմից կիրառվեց նոր ընտրատեխնոլոգիա, որը լուրջ մտահոգության տեղիք է տալիս, այն է՝ առաջին անգամ համապետական նշանակության ընտրություններում ընտրախախտումներին մասնակից դարձրին իրենց «ընդդիմություն» հռչակած քաղաքական ուժերի՝ ԲՀԿ եւ ՀՀՇ:

Սա ունի հեռուն գնացող նպատակներ եւ, առաջին հերթին, այդ համագործակցությամբ ավազակաիշխանության համար «երկար կյանք» ապահովելու համար:

Մասնավորապես.

1. ԲՀԿ-ն, այս անգամ «ընդդիմություն» անվան տակ, գործարկեց իր ավանդական զանգվածային ընտրակաշառքների համակարգը

2. ՀՀՇ-ն մասնակցեց ընտրություններին այլ քաղաքական ուժի անվան տակ, այն էլ գոյություն չունեցող կուսակցության ընտրական ցուցակով:

Թերեւս պատահական չէ, որ ժամանակին ԲՀԿ եւ ՀՀՇ էին գործուղվել ավազակաիշխանության ամենակարկառուն ընտրախախտներ Գ.Արսենյանը եւ Գ. Ջհանգիրյանը»: