«Միլանը» մեկ տարվա պայմանագիր է առաջարկում, Պույոլը՝ հերքում

«Բարսելոնայի» 35-ամյա պաշտպան Կարլես Պույոլը հայտնվել է «Միլանի» ուշադրության կենտրոնում. տեղեկացնում է  sport.es-ը:

Ֆուտբոլիստը դժգոհ է թիմի իրավիճակից և ցանկություն է հայտնել լքել ակումբը:

«Միլանը» Պույոլին պատրաստ է մեկ տարվա պայմանագիր առաջարկել և «Բարսայի» հետ քննարկել տրանսֆերի հարցը: Իտալական ակումբը հետաքրքրված է նաև «կապտանռնագույնների» մեկ այլ ֆուտբոլիստի՝ Սեսկ Ֆաբրեգասի ծառայություններով։

Նշենք, որ Պույոլի պայմանագիրը կատալոնյան ակումբի հետ ավարտվում է 2016-ին:

Ինքը ֆուտբոլիստը հերքել է այս տեղեկությունը՝ նշելով.

«Սա ինչ-որ մեկի հորինվածքն է: Ներկա պահին մտածում եմ միայն որքան հնարավոր է արագ ապաքինվելու մասին: Հուսով եմ՝ հաջորդ մրցաշրջանի մեկնարկին արդեն ամբողջությամբ ապաքինված կլինեմ»,-Պույոլի խոսքերը մեջբերում է Football Italia-ն: