«Ալաշկերտը» ջախջախեց Հայաստանի Մ17 տարեկանների հավաքականին
Սպորտ
«Ալաշկերտը» հերթական ստուգողական հանդիպումն անցկացրեց: Այս անգամ մրցակիցը Հայաստանի մինչև 17 տարեկանների ազգային հավաքականն էր: Խաղը տեղի ունեցավ ՀՖՖ Տեխնիկական կենտրոն ֆուտբոլի ակադեմիայում և անցավ անդադար տեղացող անձրևի ուղեկցությամբ: «Ալաշկերտի» նորանշանակ գլխավոր մարզիչ Արմեն Սանամյանը խաղալու հնարավորություն տվեց իր տրամադրության տակ եղած բոլոր ֆուտբոլիստներին՝ ներառյալ թիմում փորձաշրջան անցնողներին: Վերջիններից մեկը՝ Կարապետ Մանուկյանը, դարձավ վերջնարդյունքը հաստատող հինգերորդ գոլի հեղինակը՝ 5:0: Մինչ այդ գոլեր էին հեղինակել ալաշկերտցիներ Արմեն Ավագյանը. Միհրան Մանասյանը. Հովհաննես Մնացականյանը, և Ցոլակ Բեգլարյանը (11 մետրանոց հարվածով):
Գլխավոր մարզիչ Արթուր Ոսկանյանի սաները պատանեկան ավյունով անցկացրեցին ողջ հանդիպումը և բազմիցս դժարին խնդիրներ առաջադրեցին իրենց ավագ մրցակիցներին:
Այս խաղում արդյունքն ինձ համար կարևոր չէր,-հանդիպման ավարտից հետո ասաց «Ալաշկերտի» գլխավոր մարզիչ Արմեն Սանամյանը:-Իմ հիմնական նպատակը ֆուտբոլիստներին խաղային բարդ իրադրություններում ավելի լավ ճանաչելն էր: Ինչ վերաբերում է մեր մրցակցին, ապա կցանկանայի փաստել, որ մեր պատանեկան հավաքականը բավական կազմակերպված թիմ է, լավ տպավորություն թողեց և զիջեց հիմնականում փորձի և ֆիզիկականի հաշվին:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
