Լենինականի վագոնային դեպոյի հրահանգչից մինչև նախարար. Յուրի Վարդանյանի կենսագրականը

Lurer.com-ը ստորև ներկայացնում է ՀՀ սպորտի և երիտասարդության հարցերի նորանշանակ նախարար Յուրի Վարդանյանի կենսագրական տվյալները.

Տարեթիվ, ամսաթիվ, ծննդավայր

1956 թ., հունիսի 13, ք. Լենինական

Կրթություն

1974-1980 թթ. – Լենինականի Մ. Նալբանդյանի անվան պետական մանկավարժական ինստիտուտ, ֆիզիկական դաստիարակության ֆակուլտետ, ստացել է ֆիզիկական կուլտուրայի ուսուցչի որակավորում

1984-1987 թթ. - Երևանի Ժողովրդական տնտեսության ինստիտուտ, «Ժողովրդական տնտեսության պլանավորում» ֆակուլտետ, ստացել է տնտեսագետի որակավորում

Աշխատանքային գործունեություն

1973-1974 թթ.- Լենինականի վագոնային դեպո՝ հրահանգիչ

1986-1988 թթ. – Լենինականի արհմիությունների սպորտընկերություն՝ նախագահ

1989-1991 թթ. – Արհմիությունների հանրապետական սպորտընկերություն՝ նախագահ

1991-1993 թթ. – ԱՄՆ-ի ծանրամարտի հավաքական՝ խորհրդատու-մարզիչ

1994-1997 թթ. – ԱՄՆ-ի պրոֆեսիոնալ բասկետբոլի «Չիկագո-բուլս» թիմ՝ ֆիզիկական պատրաստվածության գծով մարզիչ

1998-2002 թթ. – «Գյումրիի հայրենակցական միություն»՝ նախագահ

2003-2008 թթ. – Կալիֆորնիայի «Հայերի միություն»՝ նախագահ

2009 - 2013 թթ. - ՀՀ նախագահի խորհրդական

2013 թ. մայիսի 8-ից - ՀՀ սպորտի և երիտասարդության հարցերի նախարար

Այլ տվյալներ

Երևանի տնտեսա-իրավաբանական ինստիտուտի պրոֆեսոր է, ինչպես նաև Երևանի ֆիզիկական կուլտուրայի հայկական պետական ինստիտուտի պատվավոր պրոֆեսոր: Պարգևատրվել է Լենինի, «Աշխատանքային կարմիր աստղի», «Սուրբ Մեսրոպ Մաշտոց», ԼՂՀ «Մեսրոպ Մաշտոց» շքանշաններով: Եղել է ՀՍՍՀ Գերագույն Սովետի 10-րդ և 11-րդ գումարման դեպուտատ: ԽՍՀՄ սպորտի վաստակավոր վարպետ է, աշխարհի 43 ռեկորդների հեղինակ, Եվրոպայի 8-ակի և աշխարհի 9-ակի չեմպիոն, օլիմպիական խաղերի չեմպիոն: Կրտսեր լեյտենանտ է:

Անձնական տվյալներ

Ամուսնացած է, ունի երեք որդի: