Այսօր Դորի Ամիրբեկյանի ծննդյան օրն է

Դորի Ամիրբեկյանը (Արտաշես Ամիրբեկյան) ծնվել է 1905թ. մայիս 8-ին, Թիֆլիսում: Եղել է դերասան Արամ Ամիրբեկյանի եղբայրը: Բեմական գործունեությունը սկսել է 1929թ-ից, Սուխումիի հայկական թատրոնում: 1930-36թթ եղել է Երևանի Գորկու անվան բանվորական, 1936թ-ից` Թբիլիսիի հայկական թատրոնի դերասան: Հիմնականում խաղացել է դրամատիկական և կատակերգական դերեր` Զամբախով, Մոսի, Կակուլի` Սունդուկյանի «Խաթաբալա», «Քանդած օջախ», «Պեպո», Սուրեն, Ռուստամ`  Շիրվանզադեի «Պատվի համար», «Նամուս», Թափառնիկոս, Օգսեն` Պարոնյանի «Ատամնաբույժն արևելյան», «Պաղտասար աղբար» և այլն: Նկարահանվել է «Գիքոր» (1934թ.), «Գրենադա» (1969թ.), «Կարծր ապար» (1974թ.) ֆիլմերում: 1958թ. արժանացել է ՎԽՍՀ, 1964թ.`  ՀԽՍՀ ժողովրդական արտիստի կոչմանը: Մահացել է 1983 թ. հունվարի 26-ին, Երևանում: