Վլադիմիր Գասպարյան. Կա քարերը նետելու և հավաքելու ժամանակ (տեսանյութ)
Հայաստան
«Բոլոր խնդիրներն ունեն իր լուծման ժամանակները։ Կան քարերը նետելու և քարերը հավաքելու ժամանակները։ Այս մասին այսօր Հաղթանակ զբոսայգում լրագրողների հետ ճեպազրույցում ասաց ՀՀ Ոստիկանապետ Վլադիմիր Գասպարյանը՝ անդրադառնալով վերջին շրջանում ոստիկանական համակարգում տեղի ունեցող կադրային փոփոխություններին։
Ոստիկանապետի խոսքերով՝ ընթացքը ցույց կտա, թե հիմա քարերը հավաքելու, թե նետելու ժամանակներն են։
«Երբ մարդը երկար տարիներ նույն պաշտոնում աշխատում է, կամա թե ակամա՝ որոշակի սովորություն է ձեռք բերում, և դա ի նպաստ չէ ոստիկանությանն այս պարագայում, իսկ ոստիկանությունը գնում է բարեփոխումներից»,-ասաց Վլադիմիր Գասպարյանը։
Վերջինս, անդրադառնալով Ոստիկանության անձնագրային և վիզաների վարչության պետ, Ոստիկանության գնդապետ Հովհաննես Քոչարյանի պաշտոնանակությանը, ասաց. «Հովհաննես Քոչարյանը զեկուցագիր է ներկայացրել, և նրան սպասվում է առաջխաղացում այլ գերատեսչությունում։ Ես շատ շնորհակալ ու գոհ եմ նրա աշխատանքից որպես ՕՎԻՐ-ի պետ, որպես իրավաբան»,-ասաց Վլադիմիր Գասպարյանը։
Մանրամասները՝ operativ.am-ի տեսանյութում.
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
