Մարտուն Գրիգորյանը պարզաբանում է մամուլի հրապարակումը

Մարտուն Գրիգորյանի հարցազրույցի հետքերով

Այսօր «Ժողովուրդ» օրաթերթում հրապարակված ԱԺ ԲՀԿ-ական պատգամավոր Մարտուն Գրիգորյանի հարցազրույցը բավականին աժիոտաժ էր առաջացրել եւ աղմուկ ուստի անհրաժեշտ ենք համարում նրա հարցազրույցում որոշ շեշտադրումներն առավել հստակ ներկայացնել, որպեսզի առանց այն էլ լարված փոխհարաբերությունները չսրվեն:

Մասնավորապես, Մարտուն Գրիգորյանի պատասխանում չի ասվել Գյումրու նախկին քաղաքապետին տեսնելու մասին, քանի որ իրականում 2008թ-ից հետո որեւէ հանդիպում չի կայացել: Հարցազրույցի այն հատվածում, որտեղ խոսվում է ՀՀ ոստիկանապետի հայտնի հայտարարության մասին, Մարտուն Գրիգորյանն ասել է բառացիորեն հետեւյալը.

«Նախ առիթ ունեցել եմ այդ մասին խոսելու» եւ ոչ թե ,…այդ մարդու հետ խոսելու եւ չի օգտագործել «չեմ հավանում» այլ նշել է «չեմ ընդունում» արտահայտությունը: Մեկ այլ պարբերության մեջ Մ.Գրիգորյանը չի խոսել ԱԺ եվրոպական ինտեգրման հարցերի հանձնաժողովի մասին, այլ հիշատակել է այն հանձնաժողովը, որի նախագահն է:

«Սուր անկյուն» հաղորդաշարի շրջանակներում հիշատակված ավտոմեքենայի խուզարկության փաստը մեկնաբանելիս Մ.Գրիգորյանը ասել է. «Բեռնախցում ունեմ մեկ օրինական հրացանի եւ մեկ ատրճանակի փամփուշտներ…»,-մինչդեռ հրապարակված տեքստում գրվել է. «Մեկ օրինական որսորդական հրացան»:

Հուսանք, որ այս հրապարակումը կօգնի խուսափել տարընկալումներից:

ՀՀ ԱԺ պատգամավոր Մ.Գրիգորյանի գրասենյակ

Օրաթերթի հարցազրույցը կարող եք կարդալ այստեղ։