Դրեխլերը Բունդեսլիգայի պատմության ամենաթանկ ֆուտբոլիստն է

«Շալկեի» կիսապաշտպան Յուլիան Դրեխլերը երկարաձգել է պայմանագիրը ակումբիի հետ մինչև 2018թ., տեղեկացնում է Bild-ը:

Աղբյուրի տվյալների համաձայն՝ ըստ նոր պայմանագրի՝ 19-ամյա ֆուտբոլիստի աշխատավարձը կբարձրանա երկու անգամ՝ տարեկան մինչև 3 մլն եվրո: Պայմանագրի կետերից մեկի համաձայն՝ եթե որևէ ակումբ ցանկանում է ֆուտբոլիստին իր կազմում տեսնել, ապա «Շալկեին» պետք է վճարի 45 մլն եվրո, ինչն ամենաբարձր գումարն է գերմանական ֆուտբոլի պատմության մեջ:

Ընթացիկ մրցաշրջանում Դրեխլերն ակումբի կազմում անցկացրել է 29 խաղ և հեղինակել 2 գոլ: