Այսօր Հայկ Դանզասի ծննդյան օրն է (լուսանկարներ)

Հայկ Դանզասը (Հայկ Բինայան) ծնվել է 1899 մայիսի 10-ին Նախիջևանում (Դոնի Ռոստով): Եղել է դերասանուհի Իզաբելլա Դանզասի ամուսինը: Ավարտել է Խարկովի համալսարանի իրավաբանական ֆակուլտետը: Դերասանական կրթությունը ստացել է Ռոստովում` մասնակցելով դրամատիկական դասընթացների: 1919թ. խաղացել է Ռոստովի ռուսական թատրոնում: 1920թ-ից եղել է դերասան և ռեժիսոր Ռոստովի, Թիֆլիսի, Կրասնոդարի, Լենինականի, Բաքվի հայկական թատրոններում: 1922թ. եղել է հայկական օպերային թատրոնի հիմնադիրներից: 1942թ-ից Երևանի Պարոնյանի անվան կոմեդիայի թատրոնում խաղացել է բազմաթիվ ներկայացումներում` «Քաջ Նազար», «Սիրո ճանապարհ», «Սիլվա» և այլն: Դերեր է կերտել նաև հայկական կինոներում` «Ճանապարհ դեպի կրկես», «Նրա երևակայությունը», «Մոր սիրտը», «Մանրուք», «Արարատյան դաշտավայրի աղջիկը» և այլն: 1950թ. արժանացել է ՀԽՍՀ ժողովրդական արտիստի կոչմանը:

Մահացել է 1977 թ. մարտի 22-ին Երևանում: