Էմմի. «Վերջերս ինձ բարևի փոխարեն ծիածան են ասում»

Երգչուհի Էմմիի ֆեյսբուքյան էջի գրառումներից արդեն պարզ է, որ նոր տեսահոլովակ է պատրաստվում ներկայացնել իր լսարանին: Երգը կոչվում է “Քեզ գտա”: Ըստ երգչուհու, տեսահոլովակի պրեմիերան շատ չի ուշանա: “Երաժշտության հեղինակը Նիկ Էգիբյանն է, խոսքերի հեղինակը՝ Գայանե Ավետիսյանը, տեսահոլովակի ռեժիսորն Արթուր Մանուկյանն է, օպերատորը՝ Սուրեն Թադևոսյանը: Հագուստները, դիզայնը, ամեն ինչ արված է Anahit Simonyan fashion-ի կողմից, և կա մեկ հագուստ, որի հեղինակը է Արա Սթյուարդն է: “Մեյք ափի” և մազերի ոճաբանության վրա հիմնականում աշխատել են Սերժ Հարությունյանն ու Մերի Պողսյանը”:

Երգչուհու խոսքերից և տեսահոլովակի թիզերից արդեն պարզ է, որ ոճի ու գեղեցիկի վրա մեծ ուշադրություն է դարձվել: “Կարելի է ասել, տեսահոլովակն արդեն պատրաստ է, բայց կլուսաբանվի ամսի քսանին մոտ”: Էմմին խոստացավ, որ իր երկրպագուներին երկար չի սպասեցնի: Ինչ վերաբերվում է տեսահոլովակի սյուժեին, ապա երգչուհին նշեց, որ ինքը բանակցել է երգի հեղինակների հետ և միասին որոշել են, որ երգը պետք է լինի չշոշափվող թեմաներից, այն չպիտի նվիրվի մի մարդու, ում սիրում ես”: Իհարկե հայկական շոու բիզնեսի վերջին տարիների գրեթե բոլոր երգերը նվիրված են սիրուն և սիրած էակին:

Էմմիի նոր երգը այս առումով տարբերվում է մյուսներից: “Երգը կոչվում է “Քեզ գտա”, բայց վերջերս ինձ բոլորը բարևի փոխարեն ասում են “ծիածան”, Ես շատ ուրախ եմ, որ երգս տպավորիչ է ու դրա առանձին արտահայտություններ հիշվում են: Կրկներգում նման մի արտահայտություն կա՝ “Արևին մոտ ես, դեռ անծանոթ ես”: Սրանով տեսահոլովակում նաև ցույց ենք տալիս մարդկանց ձգտումները, նրանք ձգտում են ինչ-որ լույսի, բայց չեն հասնում: Հակառակ սեռի ներկայացուցիչը ևս պետք է ձգտումներ ունենա”: Էմմին ArmStar.am-ի հետ զրույցի ընթացքում հիշատակեց նաև, որ տեսահոլովակում շեշտը դրված է աճի, ոճաբանության վրա: Էմմին նշեց նաև, որ այս երգում, ի տարբերություն իր երգացանկի մյուս երգերի, իր անձնական կյանքից որևէ հիշատակում չկա: “Իրականում մյուս երգերիս և տեսահոլովակիս մեջ հնարավոր է, եղել են դրվագներ, մասնիկներ իմ կյանքից, բայց այս երգում նման բան չկա: Պարզապես իրենց գործը, երաժշտությունը սիրող մարդկանցով հավաքվել ու ստեղծել ենք այս ստեղծագործությունը”:

Զրուցեց Աշխեն Մնացականյանը /ArmStar.am/