Juice–ը օրիգինալ է, իսկ Լուլուն ունի ինքագնահատականի հետ կապված խնդիրներ. հոգեբան

Որոնք են հայտնիների սիրած գույները, արդյո՞ք նրանք փորձում են համադրել գույները թե ոչ։ Այս և այլ հարցերի պատասխաններ փորձեցինք ստանալ հայտնի երգչուհի Juice–ից և սիրված հաղորդավարուհի Լուսինե Բադալյանից, իսկ հետ Հոգեբանական գիտությունների թեկնածու, դոցենտ, «Այգ» հոգեբանական ծառայությունների կենտրոնի գլխավոր մասնագետ Ռուբեն Հակոբյանը պատասխանների միջոցով վերլուծեց նրանց հոգեբանությունը։

Լուսինե Բադալյան– Բոլոր աքսեսուարները փորձում եմ համադրել զգեստիս հետ

Հաղորդավարուհի Լուսինե Բադալյանը գույների հարցում փոփոխական է. երբեմն վառ, երբեմն բաց գույներն է նախընտրում՝ ըստ հոգեվիճակի։ «Հագուստ ընտրելիս առաջինը գույնին եմ ուշադրություն դարձնում, նոր ձևին։ Սիրում եմ համադրություններ, անգամ ականջողերս պիտի գույնով համապատասխանեն զգեստիս։ Բոլոր աքսեսուարները փորձում եմ համադրել զգեստիս հետ։ Չկա գույն, որ սիրված հաղորդավարուհին չսիրի, բայց հազվադեպ է նախընտրում կանաչն ու վարդագույնը, նախընտրում է կարմիրի, շագանակագույնի, մոխրագույնի ու կաթնագույնի երանգները։ «Գույների նորաձևությանը չեմ հետևում, նախընտրում եմ այն գույնը, որն ինձ դուր է գալիս՝ անկախ այդ պահի նորաձևությունից»,–ասում է նա։

Հոգեբան–Նրա սիրելի գույները բոլորը տաք գույներ են։ Տվյալ անձնավորությունը մշտապես խնդիր է ունեցել, որ կարող է իր արտաքինը չընդունվի։ Եվ այդ համադրության միջոցով փորձել է ավելի գեղեցիկ դառնալ։ Այս անձը ունի ինքագնահատականի հետ կապված խնդիրներ, իր ինքնագնատահատակը միշտ ցածր է թվում, քան կա։ Եվ միշտ մտածել է, որ ինքն այն չէ, եղել է տագնապալի վիճակում, մտածել է, որ մերժված կարող է լինել։

Juice– «Այդ գույները ինձ տանում են կղզի»։

Մշտապես իր վառ կերպարով աչքի ընկնող երգչուհի Juice–ին հանգստացնում են փիրուզագույնը, բաց երկնագույնը, բաց կանաչը, կապույտ նեոնը. «Այդ գույները ինձ տանում են կղզի։ Այդ գույները կան նաև "SPANCH BOB" մուլտֆիլմի մեջ, դրա համար ես այն նայում եմ ցանկացած ժամի։ Այդ գույները ինձ հարմոնիա են պարգևում։ Կարող եմ երկար նայել այդ գույներին և մտքով ընկնել դրախտային կղզի»,–ասում է նա։
Կան գույներ, որոնք ըստ երգչուհու՝ իրեն չեն սազում, օրինակ վառ նարնջագույնը, կամ թունավոր լիմոնի գույնը։ «Այդ գույները իմ մաշկը դարձնում են մոխրագույն, իսկ բաց շագանակագույնը ինձ դարձնում է ոչ վառ։ Դրա համար աշխատում եմ զերծ մնալ այդ գույները կրելուց։ Ինձ մոտ շատ վառ է նորաձևության ինտուիցիան։ Կատեգորիկ չեմ սիրում մուգ թանաքագույնը, մուգ մանուշակագույնը։ Հետևում եմ գույների նորաձևությանը, բայց ես նախընտրում եմ ոչ ստանդարտի մեջ։ Եթե կարմիր գույնը նորաձև է ու բոլորը փողոցում քայլում են կարմիր գույնի հագուստով, ես միանշանակ կհագնեմ լրիվ հակառակ գույն։ Եթե չունեմ տրամադրություն, նախընտրում եմ վառ գույներ, որպեսզի արհեստական բարձրացնեմ իմ տրամադրությունը»,–ասում է երգչուհին։

Հոգեբան–Տվյալ անձը թեև ակտիվ է, բայց սիրում է մենությունը։ Նա շատ շփվող մարդ է, բայց սիրում է մենակ մնալ իր մտորումների ու ցանկությունների հետ։ Բնավորությամբ նա երբեմն թվում է վանող, բայց այդպես չէ. նա ուղղակի արտաքին ակտիվություն է ցուցաբերում։ Շատ օրիգինալ մարդ է, խելացի ու մտածող։