Բեքհեմը ցանկանում է լքել ՊՍԺ-ն, ակումբն իր հերթին նոր պայմանագիր է առաջարկում

ՊՍԺ-ի անգլիացի կիսապաշտպան Դևիդ Բեքհեմը մրցաշրջանի ավարտին կլքի փարիզյան ակումբը:

L’Equipe-ի տեղեկությունների համաձայն՝ Բեքհեմին դուր չի գալիս հարկերի վճարման ֆրանսիական համակարգը: Սակայն դրա հետ մեկտեղ՝ ֆուտբոլիստը չի պատրաստվում ավարտել կարիերան:

Ընթացիկ մրցաշրջանում Բեքհեմը մասնակցել է ՊՍԺ-ի 12 խաղի և ոչ մի գոլ չի հեղինակել: Միևնույն ժամանակ, Sky Sports-ը տեղեկացնում է, որ ֆրանսիական ակումբը նոր պայմանագիր է առաջարկում անգլիացուն:

Անգլիայի հավաքականի 38-ամյա նախկին ֆուտբոլիստը Ֆրանսիայում մնալու հարցի վերաբերյալ վերջնական որոշում կկայացնի հաջորդ շաբաթ։