«ՃՈ աշխատակիցն ասես «ուլ» լիներ». չտեսնելու տվեց «Bentley»-ի վարորդի խախտումը (ֆոտո)

Ճանապարհային ոստիկանության պատասխանատուները ամեն անգամ զանգվածային լրատվամիջոցների հետ հանդիպմանը հայտնում են, որ ՃՈ տեսուչի համար տարբերություն չկա՝ օրինախախտ վարորդը կլինի շարքային մահկանացու, թե պետական չինովնիկ կամ ուժային կառույցի ներկայացուցիչ, միևնույնն է, կատարած խախտման համար օրինախախտը վարչական պատասխանատվության է ենթարկվելու։

Այսօր՝ մայիսի 11-ին, Վազգեն Սարգսյան փողոցում Ճանապարհային ոստիկանի հենց «քթի առաջ» Bentley մակնիշի 60 ՏԼ 006 համարանիշի ավտոմեքենայի երիտասարդ վարորդն այն վարում էր առանց ամրագոտու, իսկ Corolla մակնիշի 572 ՈՍ 01 համարանիշի ավտոմեքենայի ՃՈ աշխատակիցն ասես «ուլ» լիներ. չտեսնելու տվեց Bentley-ի վարորդի խախտումը, իսկ երբ ֆոտոլրագրող Գագիկ Շամշյանը «անմեղ ուլի հայացքով» ՃՈ տեսուչին մատնացույց արեց օրինախախտ Bentley-ի վարորդին, ճՈ տեսուչը խոնարհ հարսի նման հայացքը փախցրեց, իբրև թե ոչինչ չեմ տեսնում. այս մասին գրում է shamshyan.com-ը։

Ֆոտոլրագրողը հայտնում է, որ ըստ տեղեկությունների, Bentley-ի վարորդն Ազգային ժողովի պատգամավորներից մեկի ազգականն է։