ArmStar Exclusive. Արման Հովհաննիսյանի ծննդյան ամենահիշվող նվերը

ՀՀ վաստակավոր արտիստ, երգիչ Արման Հովհաննիսյանը մայիսի 12-ին տոնեց իր ծննդյան 33-ամյակը:

''Օրն անցկացնելու եմ ընտանիքիս և ընկերների հետ, նեղ ընտանեկան շրջանակում'', ArmStar.am-ի հետ զրույցում պատմեց երգիչը: Արմանը դեռ երեկվանից ստանում է բազմաթիվ շնորհավորանքններ և նվերներ. ''Ստացել եմ գրիչներ ու օծանելիք'',- մանրամասնեց Արմանը:

Իր ծննդյան օրերին երգի տեսքով նվերներ չի ստանում: ''Եղել են երգի տեսքով նվերներ, բայց ոչ ծննդյան օրվա առթիվ: Երգ- նվերներ միշտ ստանում եմ ընկերներիս կողմից՝ Արսեն Գրիգորյանի, Զառայի, ով նաև ''Շուրթիս համը'' երգիս հեղինակն է'',- ծիծաղում է երգիչը:

10 տարի առաջ Արման Հովհաննիսյանն ինքն իրեն արեց ամենացանկանլի նվերը , ով էլ դարձավ նրա կյանքի զուգընկերը: ''Իմ ամենահիշարժան ծննդյան օրն էր, երբ ես փախցրեցի իմ կնոջը:

Իսկ առաջին նվերն էլ այսօր եղել է հենց կնոջիցս՝ վերնաշապիկ է նվիրել և իմ սիրելի օծանելիքը'', - ArmStar.am-ին մանրամասնեց Արմանը:

Արման Հովհաննիսյանի համար երբևէ ստացած ամենահիշվող նվերը դստեր պատրաստած անակնկալն էր. ''Հետաքրքիր Էյֆելյան աշտարակ էր նվիրել'':

ArmStar.am-ը հետաքրքրվեց նաև Արմանի հետագա պլաններից. ''Շուտով նոր երգ ու տեսահոլովակներ կներկայացնեմ, դրանց աշխատանքներով եմ հիմա զբաղված, ինչպես նաև սպասեք նոր ձայնասկավառակի'':

ArmStar.am-ը միանում է բոլոր շնորհավորանքներին ու Արման Հովհաննիսյանին մաղթում ստեղծագործական հաջողություններ ու անսպառ երջանկություն:

Շնորհավորեց՝ Սիրանուշ Գրիգորյանը /ArmStar.am/