Հայաստանի առաջնություն. նախավերջին տուր

Հայաստանի բարձրագույն խմբի նախավերջին՝ 41-րդ տուրում հայտնի դարձավ նաև երկրի բրոնզե մեդալակիրը:

Երրորդ տեղում հայտնվելու հնարավորություն ունեցող «Փյունիկը» եւ «Իմպուլսը» պարտություններ կրեցին, իսկ ահա լավագույն եռյակը եզրափակող «Գանձասարը» կարողացավ միավոր վաստակել Գյումրիում եւ անհասանելի դառնալ մրցակիցների համար:

Նշենք, որ «Շիրակը» Հայաստանը կներկայացնի Չեմպիոնների լիգայի 1-ին որակավորման փուլում: Եվրոպայի լիգայում կլինեն «Միկան», «Գանձասարը» և գավաթակիր «Փյունիկը»։

Օրվա բոլոր խաղերում գրանցվեցին հետևյալ արդյունքները.

«Շիրակ»-«Գանձասար»՝ 2:2
«Միկա»-«Փյունիկ»՝ 1:0
«Ուլիս»-«Իմպուլս»՝ 4:1
«Արարատ»-«Բանանց»՝ 1:1

Մրցաշարային աղյուսակն ունի հետևյալ տեսքը.

1. «Շիրակ» - 85 միավոր
2. «Միկա» - 79
3. «Գանձասար» - 64
4. «Փյունիկ» - 60
5. «Իմպուլս» - 60
6. «Ուլիս» - 42
7. «Արարատ» - 33
8. «Բանանց»- 31