Ընդդիմությունը ժողովրդի մոտ ասոցացվեց միտինգ անողների հետ

«Մոտ հարյուր ընտրատուփ բացվեց. ըստ էության, դրանով ևս մեկ անգամ արձանագրվեց, որ զազրախոսությունները չեն համապատասխանում իրականությանը, առավել ևս, այդ նույն բաները խոսում էին վեց ամիս առաջ, որ ընտախախտումներ են լինելու, ընտրակաշառք է բաժանվելու»,-այս մասին այսօր լրագրողների հետ հանդիպմանն ասաց ՀՀԿ փոխնախագահ Գալուստ Սահակյանը:

«Իրենց ներկայացնելով՝ հզոր ուժեր որևէ ընտրախախտման մասին, բացի հայատարարությունից, չկարողացան վաստարկել, և կարծում եմ՝ դա լավ օրից չէ: Եթե ընտրություններում մասնակցում ես և չունես գոնե տասը հազար մարդ, ովքեր պետք է անպայման քեզ ընտրեն, կարծում եմ՝ ավելորդ են մյուս խոսակցությունները: Այսինքն՝ գոնե, եթե 30, 40, 50, 60 հազար ձայն հավաքող լինեին, այստեղ գոնե հնարավոր էր երևակայությանը զոռ տալ և ասել, որ խախտումներ են եղել: Ըստ էության, ընդդիմությունը, փոխանակ իր մեջ որոնի, թե ինչու է այդպես լինում, իշխանությանն է մեղադրում: Մեզ համար ավելի դժվար կլինի այդ հաղթանակը պահել, եթե չունենք ընդդիմություն: Եթե ընդդիմություն չկա, փաստորեն, կառավարման մոդելը կիսատ է մնում: Ընդդիմությունը ժողովրդի մեջ ասոցացվեց որպես միտինգ անողներ: Մինչդեռ ընդդիմությունը պիտի կարողանա ամբողջ բացասական երևույթները վեր հանել, պահանջել իշխանություններից հաշվետու լինել հասարակության առջև: Մեզ մոտ, ով Ազատության հրապարակում միտինգ է անում, երկրորդ օրը իրեն արդեն լիցքավորում է հերոսացման, քաղաքական մեծ գործառույթի սկզբնավորող. ընտրություններն ավարտվում են, և ընդդիմադիր զանգվածը հուսահատ վերադառնում են տները, որն էլ իր բացասական հետևանք է ունենում հասարակության մեջ: Լուրջ ընդդիմության կարիքն իրոք զգացվում է»,-նկատում է Սահակյանը։

Անդրադառնալով ազատամարտիկների երթին ու նստացույցին՝ Սահակյանն ասաց. «Մենք այդ պարտքի զգացումը ունենք: Նրանց բարձրացրած խնդիրները ես շատ բնական եմ համարում, և կարծում եմ՝ տարեցտարի այդ պայմանները պետք է բարելավենք:

Ընդդիմությունը չի կարողանում միասնական ճակատ կազմավորել, դրանով իսկ իրենց զրոյացրին: Ճիշտն ասած, մենք ուրախացել էինք, որ Րաֆֆին 37 ձայն հավաքեց: