Մոնակոյի իշխանական տանը շարունակում են հետապնդել անհաջողությունները: Համենայն դեպս, այս կարծիքին են ֆրանսիական պարբերականները: Կարծես թե, հայտնի «Գրիմալդիների անեծքը» կրկին իր մասին հիշեցնում է: Եվ Ալբեր II-ի (Albert II) և նրա կնոջ` Շառլեն Ուիթստոկի (Charlene Wittstock) ամուսնության միամյակն այդքան էլ ուրախ չի անցնելու: Իշխանուհին դեպրեսիվ վիճակում է` չնայած որ բարեհամբույր կերպով ժպտում է պաշտոնական ընդունելությունների ժամանակ, սակայն հոգու խորքում շատ տխուր է, գրում է ֆրանսիական Voici ամսագիրը:

Ըստ հոդվածագրի`Շառլենը, չնայած բազմաթիվ փորձերին, չի կարողանում հղիանալ: Միևնույն ժամանակ անցած տարի` պսակադրությունից առաջ Ալբերը իր հարսնացուի հետ ինքնատիպ պայմանագիր է կնքել, ըստ որի` ՀԱՀ լողի նախկին չեմպիոնուհին պարտավորվում է Մոնակոյի իշխանական տանը ժառանգ պարգևել: Իշխան Ալբերը վերոհիշյալ խոսակցություններն ընդամենն ասեկոսեներ է համարում:

Նշենք, որ ԶԼՄ-ների փոխացմամբ` ըստ այդ պայմանագրի` իշխանուհին պարտավորվել է ամուսնուն ժառանգ պարգևել, ինչից հետո նա իրավունք կստանա անել այն, ինչ ուզում է: Սակայն այն դեպքում, եթե դա նրան չհաջողվի, զույգը կամուսնալուծվի:

Հիշեցնենք նաև, որ ներկայումս 54-ամյա Ալբերն ունի 2 արտաամուսնական երեխա` 7-ամյա որդի (տոգոլեզցի ուղեկցորդուհուց) և 20-ամյա դուստր (ամերիկուհի Տամարա Ռոտոլայից (Tamara Rotola)): Սակայն, իհարկե, օրենքով սահմանված կարգով նրանք չեն կարող հավակնել իշխանական գահին: