«Մանչեսթեր Յունայթեդի» մարզիչ Տեն Հագը հրաժարվել է պատասխանել` կարո՞ղ է արդյոք ներել Ռոնալդուին

«Մանչեսթեր Յունայթեդի» գլխավոր մարզիչ Էրիկ Տեն Հագը պատասխանել է այն հարցին, թե կարո՞ղ է խոսել պորտուգալացի հարձակվող Կրիշտիանու Ռոնալդուի հետ ֆուտբոլիստի սկանդալային հարցազրույցից հետո։

Հիշեցնենք, որ նոյեմբերին «Մանչեսթեր Յունայթեդը» հայտարարեց Ռոնալդուի հետ պայմանագիրը կողմերի փոխադարձ համաձայնությամբ խզելու մասին։ Հարձակվողն ավելի վաղ հարցազրույց էր տվել բրիտանացի լրագրող Պիրս Մորգանին, որում հայտարարել էր, որ «Յունայթեդը» դավաճանել է իրեն։ Պորտուգալացին քննադատել է ակումբի ղեկավարությանը և մարզչական շտաբին՝ նշելով, որ չի հարգում Էրիկ Տեն Հագին։

«Այո, ես կխոսեի նրա հետ ապագայում: Բայց այնպես չէ, որ ես նրան ինչ-որ բան եմ հարցրել կամ առանձնահատուկ բան ասել եմ նրան: Ես ամեն ինչ արել եմ ազնիվ, բաց ու թափանցիկ։ Մենք խոսակցություններ ունեցանք խաղի վերաբերյալ իմ տեսլականի մասին, այնպես որ ես նրա հետ կրկին խոսելու խնդիր չունեմ:

Կարո՞ղ եմ ներել Ռոնալդուին։ Չեմ ուզում պատասխանել այդ հարցին։

Ես բաց եմ նրա հետ խոսելու համար, ինչու՞ ոչ: Այո, միգուցե [անհարգալից էր]: Բայց ես սրան ոչ մի նշանակություն չեմ տալիս։ Մենք առաջ ենք գնում։ Ես չեմ ուզում էներգիա վատնել սրա վրա: Սա անցյալ է»,- մարզչի խոսքերը մեջբերում է Manchester Evening News-ը:

Քաթարում ընթացող աշխարհի առաջնության Պորտուգալիայի հավաքականի վերջին խաղում Ռոնալդուն մնաց պահեստայինների նստարանին։ 37-ամյա հարձակվողը Շվեյցարիայի դեմ խաղում հայտնվեց միայն հանդիպման 74-րդ րոպեին։ Մեկնարկում նրան փոխարինած Գոնկալո Ռամոսը հեթ-տրիկի հեղինակ դարձավ։

Ռոնալդուն մասնակցել է խմբային փուլի բոլոր երեք խաղերին։ Դրանից հետո պորտուգալացին դժգոհություն է հայտնել իր խաղաժամանակի և գլխավոր մարզիչ Ֆերնանդու Սանտուշի ընտրության վերաբերյալ։ Ռոնալդուի հաշվին աշխարհի այս առաջնությունում խփած մեկ գոլ կա (11 մետրանոց):

Այս թեմայով Անկողինը, որի վրա քնել է Ռոնալդուն, աճուրդի կհանվի Որտեղ է Ռոնալդուն անցկացնում իր հանգիստը (լուսանկարներ) Ռոնալդուի սիրելին նորաձևության ցուցադրությանը ներկայացել է օրիգինալ զգեստով (լուսանկարներ) Հայտնի է, թե ինչ է սպառնում Ռոնալդուին անպարկեշտ ժեստի համար «Շնորհակալ եմ իմ 39-ամյակը լավագույնս անցկացնելու հնարավորության համար»․ Ռոնալդու Ռոնալդուն բաց կթողնի Մեսսիի դեմ հանդիպումը Ռոնալդուն ներողություն է խնդրել չինացի երկրպագուներից Մարդիկ իսկապես կարծում էին, որ ես կորել եմ․ Ռոնալդու Ռոնալդուն ցույց է տվել իր նոր թանկարժեք ավտոմեքենան (լուսանկար) Կրիշտիանու Ռոնալդուն ընտանեկան լուսանկար է հրապարակել