Արցախում վիճակը շարունակում է մնալ ծայրահեղ ծանր. միացե՛ք մեր գործողությանը և սատար կանգնեք աղետի եզրին հայտնված մեր հայրենակիցներին. «Համախմբում»

«Համախմբում» շարժման նախաձեռնող խումբն այսօր՝ ժամը 15:30-ին բողոքի ցույց կկազմակերպի ՄԱԿ-ի երևանյան գրասենյակի դիմաց, որտեղ կներկայացնի իր պահանջները՝ վերջ դնելու Արցախի բնակչության նկատմամբ կիրառվող երկակի ստանդարտներին և ճնշում գործադրելու Ադրբեջանի վրա՝ վերացնելու Արցախի ապօրինի պաշարումը։ Հայտարարության տեքստն ամբողջությամբ՝ ստորև. «Սիրելի բարեկամներ, Արցախում վիճակը շարունակում է մնալ ծայրահեղ ծանր։ Թշնամին փակել է Արցախն արտաքին աշխարհի հետ կապող միակ ճանապարհը, ռուսական խաղաղապահները մինչ այժմ չեն կարողացել այն վերաբացել, երեկվանից նաև թշնամին անջատել է Արցախ մտնող բնական գազը։ Եթե իրավիճակը հրատապ չկարգավորվի, Արցախի մեր 120,000 հայրենակիցներին աննախադեպ հումանիտար աղետ է սպառնում։

Այս ծանր պայմաններում մենք պարտավոր են մեզ հասու բոլոր միջոցներով սատար կանգնել մեր հայրենակիցներին։ Մասնավորապես, կարևոր է, որ միջազգային բոլոր հիմնական կառույցները, որոնք ի պաշտոնե զբաղվում են մարդու իրավունքների և քաղաքացիական բնակչության պաշտպանությամբ, այսօր հստակ քայլեր ձեռնարկեն՝ վերացնելու Արցախի ապօրինի պաշարումը և կանխելու վերահաս հումանիտար աղետը։

Այս նպատակով այսօր` ժամը 15:30, «Համախմբում» շարժման նախաձեռնող խումբը բողոքի ցույց կկազմակերպի ՄԱԿ-ի երևանյան գրասենյակի դիմաց (հասցե՝ Պետրոս Ադամյանի փողոց, 14), որտեղ մենք աշխատակազմին կհանձնենք մեր պահանջները՝ վերջ դնելու Արցախի բնակչության նկատմամբ կիրառվող երկակի ստանդարտներին, գործուն միջոցներով պաշտպանելու նրանց հիմնարար մարդկային իրավունքները, և անմիջական ճնշում գործադրելու Ադրբեջանի վրա՝ վերացնելու Արցախի ապօրինի պաշարումը։

Միացե՛ք մեր գործողությանը, և ձեր ներկայությամբ և վճռականությամբ սատար կանգնեք աղետի եզրին հայտնված մեր հայրենակիցներին»։

Այս թեմայով ՈՒՂԻՂ. Տավուշում իրավիճակը շարունակում է լարված մնալ Իշխանությունն իր սև գործը շարունակում է, թիկունքային հատվածում ինժեներական աշխատանքներ են ընթանում. Աբրահամյան Երևան-Գյումրի ճանապարհը շարունակում է փակ մնալ «Տանան հեռու խոխեք» նախաձեռնության անդամներն իրենց աջակցությունն են հայտնում Տավուշի հայրենակիցներին Պետք էր կարգի բերել մեր տան դռները. ինչո՞ւ հեղափոխությունից հետո մեզ բաժին հասան ծանր փորձություններ. Փաշինյան «Իրավունք». Լեո Նիկոլյանի վիճակն օր օրի վատթարանում է, իսկ նրա մուտքը Հայաստան շարունակում է փակ մնալ Օկուպացված Արցախում մինչև 2026-ի վերջ մոտ 40 000 ադրբեջանցի կբնակեցվի ՈՒՂԻՂ. Տավուշում իրավիճակը շարունակում է մնալ լարված Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան ՔՊ-ում խիստ ծանր են տարել Փաշինյանի կնոջ և դստեր հետ Ծիծեռնակաբերդում տեղի ունեցած միջադեպը․ ինչ են քննարկել