Թեհրանը հերքել է ադրբեջանցիներին հավաքագրելու մասին Բաքվի մեղադրանքները

 Իրանի արտգործնախարարությունը հերքել է Ադրբեջանի մեղադրանքները՝ կապված ադրբեջանական տարածքում կրոնական պետություն ստեղծելու նպատակով իրանական հատուկ ծառայությունների կողմից ադրբեջանցիների հավաքագրման հետ։ Ինչպես տեղեկացնում է ТАСС գործակալությունից, նման հայտարարություն է արել Իսլամական Հանրապետության ԱԳՆ պաշտոնական ներկայացուցիչ Նասեր Քանաանին։

«Ցավոք, Ադրբեջանի Հանրապետության կառավարությունը իրանական կազմակերպությունների հետ կապված կեղծ մեղադրանքներով ձերբակալում է սեփական քաղաքացիներին: Մենք հերքում ենք Իրանի Իսլամական Հանրապետության հետ այդ անձանց պաշտոնական կամ ոչ պաշտոնական կապի մասին պնդումները։ Մեր երկու պետությունների քաղաքացիների միջև կապերը պատմական, կրոնական և նույնիսկ ազգակցական բնույթ են կրում, և Ադրբեջանի կառավարությունը չպետք է ոչնչացնի դրանք», - Քանաանիի խոսքերն է մեջբերել Իրանի ԱԳՆ-ն իր Telegram ալիքում:

Քանաանին հավելել է, որ «օրինախախտներին բռնելը բոլոր կառավարությունների բնական իրավունքն է, սակայն անընդունելի է քաղաքացիների կալանավորումը՝ Իրանի հետ նրանց կապերից ելնելով»:

Ավելի վաղ Ադրբեջանի Պետական ​​անվտանգության ծառայությունը, ՆԳՆ-ն և Գլխավոր դատախազությունը հայտնել էին, որ բացահայտվել են հանրապետության մի խումբ քաղաքացիներ, որոնք, իբր, հավաքագրվել էին Իրանի հատուկ ծառայությունների կողմից և ծրագրում էին երկրում կրոնական պետություն ստեղծել։ Հաղորդվում էր, որ կազմակերպության ղեկավարները, ենթադրաբար, կազմել են պաշտոնյաների և հասարակական գործիչների ցուցակ, որոնց հարկավոր էր սպանել, և հանձնել էին այն խմբի անդամներին՝ «նրանց հանձնարարելով ձեռք բերել հրազեն և մոլոտովի կոկտեյլներ պատրաստել»։ Գործողությունների ընթացքում ձերբակալվել էին «Գիսաս 313» («Վրեժ 313») կոչվող խմբի 7 անդամներ և այլ անձինք:

Այս թեմայով Ի՞նչ եղավ Վանեցյանի գաղտնալսման գործը, ինչու՞ էր նա խոսում ՀԱՊԿ-ի և Խաչատուրովի մասին հեռախոսով Թբիլիսիում վերսկսվել են «Օտարերկրյա գործակալների մասին» օրենքի դեմ ցույցերը (տեսանյութ) Հետաքրքրվել եմ, մրցավարների մասով խնդիր չկար, թափանցիկ էր. Փաշինյան (տեսանյութ) Ռուսաստանը հանդես է գալիս Բաքվի և Երևանի միջև շփումների շարունակման օգտին. Պեսկով Ոնց որ գնաս բժշկի, քեզ ասի՝ գույքահարկդ չես վճարել, չեմ բուժելու. ՔՊ-պատգամավորրը՝ գույքահարկի մասին Եվրամիութան դեսպանի հետ քննարկել ենք ՀՀ սահմանների և ներսում առկա իրավիճակ մասին․ Թովմասյան ՄԻՊ-ն անհասկանալի համառությամբ այդպես էլ չհիշեց Սամվել Վարդանյանի խոշտանգման մասին․ Մնացականյան Այն կտի մասին, թե իբր ադրբեջանական գազ է գնելու Հայաստանը․ Կարեն Վրթանեսյան Առկա պայմաններում դիվերսիֆիկացիայի մասին խոսելն ուղղակի անհեթեթություն է. «Փաստ» «Մեր զավթողների ախորժակն է բացվում». Գնդապետ Արամոն՝ սահմանազատման մասին (տեսանյութ)