ԵՄ-ն կշարունակի աջակցել Կառավարությանը՝ ուղղված ՄԻՊ-ի ռազմավարության արդյունավետ կատարմանը

Արդարադատության նախարարի տեղակալ Կարեն Կարապետյանի նախագահությամբ՝ փետրվարի 20-ին տեղի է ունեցել Մարդու իրավունքների պաշտպանության ազգային ռազմավարությունից բխող 2023-2025 թթ. գործողությունների ծրագրի կատարումը համակարգող խորհրդի անդրանիկ նիստը:

Ողջունելով ներկաներին՝ նախարարի տեղակալն անդրադարձել է ՄԻՊ-ի ռազմավարությունից բխող գործողությունների ծրագրի մշակման և ընդունման աշխատանքներին՝ ընդգծելով, որ գործողությունների ծրագիրը մշակվել է ներառական գործընթացի շրջանակներում՝ պետական մարմինների և քաղաքացիական հասարակության կազմակերպությունների լայն մասնակցությամբ ու միջազգային գործընկերների աջակցությամբ։ Կարեն Կարապետյանը նաև շեշտել է համակարգող խորհրդի շրջանակներում շահագրգիռ գերատեսչությունների և կազմակերպությունների միջև ակտիվ համագործակցության կարևորությունը և ընդգծել հասարակական կազմակերպությունների ներգրավումը խորհրդի կազմում։

ՀՀ արդարադատության նախարարությունից տեղեկացնում են, որ ՀՀ-ում ԵՄ պատվիրակության ղեկավար, դեսպան Վասիլիս Մարագոսը բարձր է գնահատել Հայաստանի ջանքերը՝ ուղղված երկրում մարդու իրավունքների պաշտպանության և ժողովրդավարական գործընթացներն առաջ մղելուն և շեշտել է, որ ԵՄ-ն կշարունակի ՀՀ Կառավարությանն անհրաժեշտ փորձագիտական և տեխնիկական աջակցության տրամադրումը՝ ուղղված գործողությունների ծրագրի արդյունավետ կատարման ապահովմանը։ Դեսպանն ընդգծել է նաև ՄԻՊ-ի ռազմավարության և դրա ներքո գործողությունների կարևորությունը, հատկապես 2023 թ․ տեղահանված անձանց իրավունքների և սոցիալական երաշխիքների ապահովման տեսանկյունից։ 

Հայաստանում ՄԱԿ-ի Զարգացման ծրագրի (ՄԱԶԾ) մշտական ներկայացուցիչ Նաթիա Նացվլիշվիլին ևս կարևորել է գործողությունների ծրագրի ընդունումը՝ արձանագրելով կիրառված մասնակցային գործընթացի կարևորությունը և վերահաստատելով ՄԱԶԾ պատրաստակամությունը՝ շարունակական աջակցություն տրամադրելու գործողությունների ծրագրի իրականացման և համակարգման գործընթացին։ 

Նիստի ընթացքում քննարկվել է 2023 թվականի երկրորդ կիսամյակի գործողությունների իրականացման հաշվետվությունը։ Արդարադատության նախարարի տեղակալը ներկայացրել է գործողությունների կատարման ընդհանուր պատկերը և անդրադարձել Արդարադատության նախարարության լիազորությունների շրջանակներում նախատեսված և կատարված աշխատանքներին։

Համակարգող խորհրդի անդամ հասարակական կազմակերպությունների ներկայացուցիչներն անդրադարձել են հաշվետվության վերաբերյալ իրենց դիտարկումներին և ներկայացրել առաջարկություններ՝ ուղղված գործողությունների ծրագրի կատարման և մշտադիտարկման աշխատանքների հնարավոր կատարելագործմանը։

Նիստի շրջանակներում քննարկվել են նաև կատարման ենթակա հետագա քայլերը և պայմանավորվածություն է ձեռք բերվել նիստի արդյունքներով լրամշակել ու հաստատել 2023 թվականի երկրորդ կիսամյակի գործողությունների կատարման հաշվետվությունը։ 

Միջոցառումը կազմակերպվել է «Հաշվետու հաստատություններ և մարդու իրավունքների պաշտպանությունը Հայաստանում» ծրագրի շրջանակում, որը ֆինանսավորվում է Եվրոպական միության (ԵՄ) կողմից և իրականացվում ՄԱԿ-ի Զարգացման ծրագրի (ՄԱԶԾ), ՅՈՒՆԻՍԵՖ-ի, ՄԱԿ-ի Բնակչության հիմնադրամի և ԵԱՀԿ-ի հետ համագործակցության միջոցով:

Այս թեմայով Հնարավո՞ր է արդյոք լինել Հայ Առաքելական եկեղեցու հետևորդ և աջակցել եկեղեցին քանդող դավաճանական խմբակին. Արսեն Ջուլֆալակյան Ուժի մեջ են մտել ուշ վճարումների կարգավորմանն ուղղված օրենսդրական փոփոխությունները Հայտարարում ենք, որ չենք ներկայանալու Նիկոլ Փաշինյանի ասուլիսին և ուղիղ կերպով չենք տարածելու հայ ժողովրդի ու հայոց պետականության դեմ ուղղված նրա մտքերն ու տեսակետները Բոլորը սպասում էին Սրբազանին ու ապակուսակցական շարժման, մեր քայլերն ուղղված են Հայրենիքի փրկությանը (տեսանյութ) Արդյունավետ կլինի՝ մյուս քաղաքներից ու գյուղերից նույնպես երթեր սկսվեն դեպի Երևան․ քաղաքագետ Չնայած բարդություններին՝ Հայաստանը շարունակում է ջանքերն՝ ուղղված մամուլի ազատության միջազգային ցուցանիշներում իր դիրքերի բարելավմանը․ ԱԳՆ Պետք է առերեսվենք ճշմարտությանը և ընդունենք, որ Ռուսաստանն ավելի արդյունավետ է գործում. Ուկրաինայի ԱԳ նախարար ՌԴ-ի ձեռնարկած քայլերն ուղղված չեն կոնկրետ ազգի դեմ. Լավրով Եթե պետությունը ինչ-որ երգչի աջակցել է, թող ինքն էլ հարկ վճարի. երգչուհի Նանա (տեսանյութ) Եթե գերտերությունը գեոտնտեսական շահեր է հետապնդում, ապա խոչընդոտում է այդտեղի ժողովուրդների անկախացմանն ու պետականակերտմանն ուղղված գործընթացներին. Դավթյան