«Էն անձինք են էսօր Ադրբեջանում, ովքեր 100 տոկոսով վստահում էին ռուսներին»․ Սասուն Միքայելյան

Այսօր սպարապետ Վազգեն Սարգսյանի 65-ամյա հոբելյանի առթիվ «Եռաբլուր» զինվորական պանթեոն էր այցելել ՀՀ ԱԺ պատգամավոր, «Երկրապահ կամավորական միության» նախագահ Սասուն Միքայելյանը։ Լրագրողների հետ ճեպազրույցի ընթացքում նա դիմեց հայ ժողովրդին` հորդորելով այսօրվա ծանր իրավիճակում, իր խոսքով, լինել՝ «մի քիչ խելոք, համախմբված, հետագայում ավելի մեծ դժվարությունների չհանդիպենք»։

Լրագրողի ճշտող հարցին՝ «ի՞նչ է ենթադրում «խելոք լինել» արտահայտությունը, օրինակ՝ թշնամին կրակի, մենք լռե՞նք», Միքայելյանն արձագանքեց․ 

«Թշնամու կրակոցից դուք գործ չունեք, թշնամու կրակոցի դեմ կանգնած է բանակը, երկրապահը, տարբեր այլ կառույցներ»։

Դիտարկմանը, թե՝ «Ներքին Հանդի ուղղությամբ ադրբեջանական հարձակման դեպքերի հետ կապված երկրապահի դեմ հարվածներ եղան, հաղորդագրություն տարածվեց, որ հետաքննություն պետք է ընթանա և կպատժվեն բոլոր նրանք, ովքեր կրակել են», պատգամավորը պատասխանեց․

«էլի սկսիր դու, ինձ չնեռվայնացնես։ էդ ասվել էր ընդհանուր արտաքին քաղաքականության համար, բայց էդ տղուն բռնե՞լ են, էդ տղեն իմ հետ հետ եկավ Ներքին Հանդից․ հենց սա եմ ասում, որ պետք է զգույշ ու համախմբված լինենք»։

Զրույցի ընթացքում նաև խոսք գնաց Արցախը Ադրբեջանի կազմ անցնելու մասին, որի վերաբերյալ Սասուն Միքայելյանը նման տեսակետ արտահայտեց․

«Էն ժամանակ համախմբված էինք, ազատագրեցինք, էսօր ես էլ եմ մեղավո՞ր հետ տալու պահով, թե՞ մեղավոր են էն նախորդ պետական այրերը, որոնք Ադրբեջանի կողմից գերեվարված են։ Չեմ ուզում քաղաքականացնել, բայց մի քիչ եկեք հասկանանք էլի, էն անձինք են էսօր էնտեղ, ովքեր 100 տոկոսով վստահում էին ռուսներին, և ռուսները չէին կարու՞մ իրենց բերեին Հայաստան։ Այս տարիների ընթացքում լինելով ՀԱՊԿ անդամ՝ մեր համար ի՞նչ արեցին»,- նման համոզմունք հայտնեց նա։

Այս թեմայով «Ժողովուրդ». Սասուն Խաչատրյանին չեն նեղացնի. ՔՊ-ն հանդիպելու է ՍԴ-ի իր «սրտի» թեկնածուի հետ Մենք սգում ենք նրանց, ովքեր սպանվեցին Հայոց ցեղասպանության ժամանակ․ Սամանթա Փաուեր Արվեստի գործիչներից, հանրային դեմքերից ովքեր են միացել տավուշցիների շարժմանը Սասուն Միքայելյան, դուք եւ ձեր կցորդները, հավաքեք ձեզ. Բագրատ Սրբազան (տեսանյութ) Ժողովուրդ, ոչ մի կուսակցության խաղ մի խաղացեք, հելեք, կանգնեք, մեր հող ու ջրի պայքարն ա էսօր Ադրբեջանում երկրաշարժ է գրանցվել Արվեստի գործիչներից ովքեր են միացել տավուշցիների շարժմանը (տեսանյութեր) Ովքեր և ինչու ողջունեցին կամ չողջունեցին Տավուշում Հայաստանի կողմից զիջումների գնալու որոշումը. Անդրանիկ Թեւանյան ՀՀ դրամն ԱՄՆ դոլարի նկատմամբ մարտին արժևորվել է 2.7 տոկոսով «Զանգե՞մ Սասուն Միքայելյանին, ղալաթ կանեք՝ ձկներս հետ չեք տա», «Ում ուզում ես՝ զանգի»