Լեզվի կոմիտեն մտադիր է թվային որոնողական համակարգերում հայերենի` որպես կենսունակ լեզվի գործառնությունն ապահովող ծրագիր ստեղծել

ՀՀ ԿԳՄՍՆ Լեզվի կոմիտեն այժմ քննարկում է թվային որոնողական համակարգերում հայերենի` որպես կենսունակ լեզվի գործառնությունն ապահովող ծրագրի ստեղծումը:

Այս մասին մարտի 12-ին լրագրողների հետ հանդիպմանը տեղեկացրեց Լեզվի կոմիտեի նախագահ Սիրանուշ Դվոյանը:

Նա կարծում է, որ տեխնոլոգիաների զարգացման ժամանակաշրջանում լուրջ խնդիր է դարձել հայերենի՝ թվային աշխարհում, որոնելի համակարգերում ներկայության հարցը:

«Բոլորս էլ ինչ-որ բան փնտրելու համար դիմում ենք «Գուգլ»-ի օգնությանն ու ստանում բազմաթիվ պատասխաններ: Եթե փորձեք հայերենի հետ կապված որևէ բան այնտեղ գրել, աղքատիկ տեղեկություններ կստանաք: Թարգմանական համակարգերում ևս հայերենի թարգմանությունը վատ վիճակում է, ինչը պայմանավորված է նրանով, որ որոնողական համակարգերում հայերենի բառային պաշարը բավականին թույլ է, ուստի թվային որոնողական համակարգերում հայերենի` որպես կենսունակ լեզվի գործառնությունն ապահովող ծրագրի ստեղծումն անհրաժեշտություն է, և այն քննարկման փուլում է»,-շեշտեց Սիրանուշ Դվոյանը:

Մինչ Դվոյանի պաշտոնավարումը կոմիտեն արդեն նման նախաձեռնություններով հանդես է եկել: Նա կփորձի գաղափարն իրականություն դարձնել իր համախոհների, գործընկերների հետ:

Դվոյանի խոսքով՝ առանձին-առանձին մշակվել ու գործում են տարբեր բազաներ, ինչպես օրինակ` Հայ մատենագրության թվանշային գրադարանը, Արևելահայերենի ազգային կորպուսը և այլն, բայց հայերենն այսօր համաքայլ չէ լեզուների տեխնոլոգիացման արդի միտումներին։

«Երբ որոնեք, հայերենով շատ բան կգտնեք՝ թերթ, ամսագիր, գիրք և այլն, բայց, եթե փորձեք դրանց մեջ որևէ բառ փնտրել, կամ բնորոշիչներ գտնել, չեք կարողանա: Որոնելի համակարգերն են, որ թվային աշխարհում և տեխնոլոգիաներում դեր են խաղում, ոչ թե ուղղակի նկարած տեքստերը: Այս առումով ահռելի աշխատանք են կատարել Հայաստանի ազգային գրադարանը, ակադեմիայի հիմնարար և ԵՊՀ-ի գրադարանները, պարզապես դրանք որոնելի համակարգերում չեն: Այդ կառույցների հետ էլ հարկավոր է քննարկել համագործակցության հնարավորությունները»,-ասաց Դվոյանը:

Կոմիտեի նախագահը վստահ է՝ հայերենը, հայերենով ստեղծված մշակութային ժառանգությունը, հայալեզու իրողություններն արդի մարտահրավերների ընկալունակ դարձնելու նպատակով կարիք կա բոլոր այս նախաձեռնությունների հետ համատեղ քննարկմամբ մշակել առավել ընդլայնված նախագիծ:

Այս թեմայով Նախատեսվում է ավելացնել թվային ծառայություններ մատուցող օպերատորների թիվը բնակավայրերում Մենք միշտ Հայոց ցեղասպանության ողբերգությունն ընդունել ենք` որպես մեր սեփական ցավը. Զախարովա Ոչ մեկն իրավունք չունի հող հանձնելու. առաջարկում եմ ստեղծել ինքնապաշտպանական ջոկատներ (տեսանյութ) Քրեակատարողական և Հարկադիր կատարումն ապահովող ծառայությունները ևս հարգանքի տուրք են մատուցել Հայոց ցեղասպանության զոհերի հիշատակին Արհեստածին Ադրբեջանը ստեղծել են, որպեսզ շարունակեն և ավարտեն հայերի ցեղասպանությունը Օսմանյան Թուրքիայից դուրս. Լարիսա Ալավերդյան (տեսանյութ) Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Ռուբեն Վարդանյանի հացադուլից հետո Բաքուն որպես պատիժ թույլ չի տվել նրան խոսել հարազատների հետ Բնակիչները միառժամանակ փակել են միջպետական 3 ճանապարհ` Օձուն-Ալավերդի և Բավրայի սահմանային անցակետի հատվածում. ապակենտրոն ակցիային մտադիր են միանալ վանաձորցիներն ու գյումրեցիները Փաստաթղթի նենգ ծնունդը վտանգավոր վիճակ է ստեղծել, միակ ելքը քաղաքական փոփոխություններն են. Հովհաննիսյան Քննչական կոմիտեն բացահայտորեն ստանձնել է ՔՊ-ի շահերի ներկայացուցչի դերը․ «Հրապարակ»