Լիբանանահայության զգալի հատվածը մտածում է Հայաստան գալու մասին. Զարեհ Սինանյան

Հայաստանի կառավարությունը պատրաստում է մի փաթեթ, որ կարողանա, ըստ արժանվույն, ընդունել Լիբանանից Հայաստան եկողներին: Մենք պետք է կարողանանք, ըստ արժանվույն, ընդունել այն մարդկանց, ովքեր ցանկանում են գալ Հայաստան, ապրել այստեղ, դառնալ հասարակության լիիրավ անդամներ, քաղաքացիներ, հարկ վճարողներ, զինվորներ, և փորձենք միասին կերտել մեր երազած հայրենիքը: Այս մասին այսօր ասուլիսին ասաց ՀՀ սփյուռքի գործերի գլխավոր հանձնակատար Զարեհ Սինանյանը:

Անդրադառնալով հարցին, թե Հայաստանն իրականացնո՞ւմ է լիբանանահայերի նկատմամբ  հայրենադարձության քաղաքականություն, Զարեհ Սինանյանը խնդրի այսպիսի դրվածքն այնքան էլ ճիշտ չի համարում: Նա նշեց, որ հայրենադարձության քաղաքականության դեպքում պետությունը թելադրողի դերում է: Այսինքն՝ ինքն է ստեղծում այն իրավիճակը, որի արդյունքում մարդիկ ուզում են վերադառնալ կամ հայրենադարձվել հայրենիք:

«Իրականում մենք դիտորդի դերում ենք եղել մինչ այժմ: Լիբանանում ժամանակի ընթացքում մեր կամքից անկախ ստեղծվել են հանգամանքներ, որոնք հանգեցրել են այս իրավիճակին: Դրանցից  է Լիբանանին պարտադրված երկարաժամկետ տնտեսական ճգնաժամը, որը մի փոքր արհեստածին է, այսինքն՝ պարտադրված է Լիբանանի վրա, բայց հետևաքները շատ լուրջ են: Հաջորդ խնդիրն այդ երկրի բանկային համակարգի կաթվածահար վիճակն է: Այնտեղ տեղի է ունենում տարբեր երկրների շահերի բախման լուրջ գործընթաց: Մարդկանց մոտ լուրջ վախ կա, որ կարող են ունենալ Սիրիայի քաղաքացիական պատերազմը հիշեցնող երևույթներ: Ավելացնենք նաև կորոնավիրուսով պայմանավորված տնտեսական խնդիրները և պայթյունն էլ, կարծես, վերջին հարվածն էր: Արդյունքում ունենք այն, ինչ ունենք»,- ասաց Զարեհ Սինանյանը:

Սփյուռքի գործերի գլխավոր հանձնակատարը նկատեց, որ Լիբանանից դուրս գալու տրամադրությունները քաղաքացիների շրջանում կային դեռ 2019 թվականից: Մասնավորապես, նա ներկայացրեց 2019 թվականի վերջին անցկացված սոցհարցման տվյալները: Հարցմանը մասնակցել է 521 լիբանանահայ. հարցվածների 58 տոկոսը նշել էր՝ մոտ ապագայում լքելու է Լիբանանը: Զգալի հատվածն էլ ասել էր՝ մտածում են Հայաստան գալու մասին:

«Մենք՝ որպես պետություն, պատասխանատվություն ենք կրում մեր քաղաքացիների համար: Դեսպանության տվյալներով՝ այսօր Լիբանանում 25 հազար ՀՀ քաղաքացի է բնակվում»,-հավելեց Զարեհ Սինանյանը:

Հիշեցնենք, որ օգոստոսի 4-ին հզոր պայթյուն էր տեղի ունեցել Լիբանանի մայրաքաղաք Բեյրութում: Հայաստանից դեպի Բեյրութ իրականացվել է հումանիտար օգնության երեք չվերթ: Առաջին չվերթը կայացել է օգոստոսի 8-ին, երկրորդը՝ օգոստոսի 9-ին` Արցախի ժողովրդի անունից, երրորդը՝ օգոստոսի 11-ին: 

Հայաստանից ուղարկված երեք օդանավերով Լիբանանից հայրենիք է ժամանել շուրջ 100 հայ, որոնք նավահանգստում տեղի ունեցած պայթյունից հետո բնակության խնդիրների առաջ են կանգնել:

Այս թեմայով Արարատ Միրզոյանը և Ժոզեպ Բորելը մտքեր են փոխանակել տարածաշրջանային հարցերի շուրջ Սանկտ Պետերբուրգի բուհերից մեկում պայթյուն է տեղի ունեցել, կան տուժածներ ՈւՂԻՂ. ՌԴ ԱԳՆ պաշտոնական ներկայացուցիչ Մարիա Զախարովայի ճեպազրույցը Ուկրաինական ԱԹՍ-ն Ռուսաստանում հարվածել է գնացքին. պայթյուն է տեղի ունեցել (տեսանյութ) Պայթյուն՝ Արարատի մարզի Արարատ գյուղի բենզալցակայաններից մեկում․ ժամանել է հրշեջների 2 մարտական հաշվարկ Արտակարգ դեպք՝ Երևանում. պայթյուն-հրդեհ՝ «Տոչկա» ակումբում Սիսիանում նռնակի պայթյունի հետևանքով համայնքի անչափահաս բնակիչը մարմնական վնասվածքներ է ստացել․ ՔԿ Արցախի պողոտայում պայթյուն է տեղի ունեցել «Mercedes»-ում Սյունիքում 14-ամյա տղան սինդրիկ հավաքելիս վնասվել է և հոսպիտալացվել․ կասկածելի պայթյուն է եղել ՖԻԴԵ-ի դասակարգման նոր աղյուսակում Հայաստանն ընդհանուր առմամբ ունի 8 ներկայացուցիչ