«Ժողովուրդ». Կարգելվի ինքնակամ կառույցների օրինականացումը

«Ժողովուրդ» թերթը գրում է․ «ՀՀ արդարադատության նախարարությունը նոր նախագիծ է մշակել, որով առաջարկում է փոփոխություններ կատարել մի շարք օրենքներում: «Ժողովուրդ» օրաթերթը տեղեկացավ, որ նախարարության մշակած նախագծի հիմնական նպատակն է բացառել օրենքն ուժի մեջ մտնելուց հետո կառուցված, կառուցվող կամ կիսակառույց ինքնակամ կառույցների հետագա օրինականացման հնարավորությունը:

Ավելին, առաջիկայում կապահովվի արդեն իսկ կառուցված ինքնակամ կառույցների օրինականացման գործընթացը: Բայց նկատենք, որ նախատեսվում են այնպիսի կարգավորումներ, որոնց ուժով օրինականացման ենթակա չեն լինի այն ինքնակամ կառույցները, որոնք կառուցվել են այս նոր մշակված օրենքի նախագիծն ուժի մեջ մտնելուց հետո: Այսինքն՝ կսահմանվի երկու ռեժիմ՝ մինչեւ այս օրենքն ուժի մեջ մտնելը կառուցված ինքնակամ կառույցների եւ օրենքն ուժի մեջ մտնելուց հետո կառուցված ինքնակամ կառույցների համար:

Ըստ այդմ, մինչեւ օրենքն ուժի մեջ մտնելը կառուցված ինքնակամ կառույցների նկատմամբ շարունակում են կիրառվել գործող օրենքով սահմանված կարգավորումները, եւ վերջիններս ենթակա են օրինականացման այդ իսկ կարգավորումների շրջանակներում:

Օրենքն ուժի մեջ մտնելուց հետո արգելվում է ինքնակամ կառույցների օրինականացումը, եւ դրանք բացառապես ենթակա են քանդման: Եւս մեկ կարեւոր փոփոխություն. կբարձրացվեն նաեւ ինքնակամ կառույցների դրույքաչափերը, որն էլ կնպաստի ինքնակամ կառույցների օրինականացման գործընթացի արագացմանը:

Արդյունքում, Հարկային օրենսգրքով ավելացվել են ինքնակամ շինությունների հարկի դրույքաչափերը, որոնք ուժի մեջ կմտնեն հաջորդ տարվա հունվարի 1-ին»:

Այս թեմայով Վստահ չեմ, որ ինքնակամ հրաժարական կտան. բոլորս հույսով ենք միացել այս շարժմանը. քանդակագործ (տեսանյութ) Սփյուռքի մեծաթիվ կառույցներ միանում են Տավուշյան շարժմանը Ապամոնտաժվել է շուրջ 10 500 ինքնակամ գովազդ Ալիևն ասում էր՝ հայերին շների պես կքշենք, եթե ինքնակամ չգնան ԼՂ-ից․ լսումներ՝ ՄԱԿ-ի դատարանում Եթե Փաշինյանը ինքնակամ հեռանա, երաշխավորում ենք նրա ու ընտանիքի անվտանգությունը․ Հրանտ Բագրատյան Արիանայի մեքենայի վնաս տվողը ես եմ. գնում եմ ինքնակամ ներկայանալու. Մարտին Ամիրղանյան Երևանում մեկ շաբաթում ինքնակամ շինությունների վերաբերյալ 22 արձանագրություն է կազմվել Հարմար պահի կանցնենք նաև փողոցային պայքարի, Փաշինյանն ինքնակամ պիտի հրաժարական տար. Օհանյան Տիկին Սարգսյան, ապրեք, որ պարոն Ռուստամյանին բացատրեցիք՝ կա ԱՊՀ և նման այլ կառույցներ. Արսենյան Հայաստանում գրանցվել է 63 հազար ինքնակամ կառույց․ Կադաստրի կոմիտեի ղեկավար