Արցախի ԱԳՆ-ն կարևորել է Եվրախորհրդարանի բանաձևերը
Արցախ![Արցախի ԱԳՆ-ն կարևորել է Եվրախորհրդարանի բանաձևերը](/timthumb.php?src=disc/22-01-21/f4861c2ff18e36432053757af4d1a18d.jpg&w=780)
Արցախի արտգործնախարարությունը ողջունում է Եվրախորհրդարանի բանաձևերը Լեռնային Ղարաբաղի հակամարտության վերաբերյալ:
«Գոհունակությամբ ենք նշում Եվրոպական խորհրդարանի դիրքորոշումը ադրբեջանա-ղարաբաղյան հակամարտության վերաբերյալ, որն արտահայտված է հունվարի 20-ին ընդունված «Ընդհանուր արտաքին և անվտանգության քաղաքականության» և «Ընդհանուր անվտանգության և պաշտպանության քաղաքականության» բանաձևերում-ամենամյա հաշվետվություններում», - ասված է Արտգործնախարարության հայտարարության մեջ։
ԱԳՆ-ն նաև կարևորել է բոլոր ենթադրյալ պատերազմական հանցագործությունները պատշաճ կերպով հետաքննելու և մեղավորներին պատասխանատվության ենթարկելու անհրաժեշտությունը: «Հատկանշական է, որ Եվրոպական խորհրդարանը նաև առանձին կոչ է արել միջազգային հետաքննություն անցկացնել օտարերկրյա զինյալների, ահաբեկիչների ենթադրյալ ներկայության և կասետային զինամթերքի ու ֆոսֆորային ռումբերի օգտագործման վերաբերյալ:
Ողջունում ենք Եվրախորհրդարանի աջակցությունը ԵԱՀԿ Մինսկի խմբի համանախագահության ջանքերին` միջազգային միջնորդների առաջարկած հիմնարար սկզբունքների հիման վրա հակամարտության համապարփակ կարգավորման ուղղությամբ», - նշում է ԱԳ նախարարությունը` հավելելով` համամիտ են Եվրախորհրդարանի տեսակետի հետ, որ տևական կարգավորում դեռևս չի գտնվել:
![](banners/armflix.jpg)