Հարկավոր է զարգացման հայկական մոդել ստեղծել. Վահե Էնֆիաջյան

Տարածաշրջանում սպասվող զարգացումների մասին ԼՈւՐԵՐ.com-ը զրուցել է Ազգային ժողովի փոխնախագահ Վահե Էնֆիաջյանի հետ։

-Տարածաշրջանն այս պահին փոփոխությունների ո՞ր փուլում է գտնվում, մասնավորապես` Թուրքիան ի՞նչ նպատակներ է հետապնդում։

Տարածաշրջանը վերջին 30 տարվա ընթացքում ամենածավալուն փոփոխությունների շրջանում է։ Թուրքիան նպատակ է հետապնդում գրավել նոր դիրքեր` տնտեսական, քաղաքական, տարածքային և այլն։
Թուրքիան նաև ունի ատոմային էներգիային տիրանալու նկրտումներ, որը մինչ օրս անհաս է հարևան պետությանը։

Տարածաշրջանը աշխարհաքաղաքական փոփոխությունների և ուժերի ազդեցությունների վերախմբագրման փուլում է, և Թուրքիան փորձում է առավելագույնս շահեկան կարգավիճակում հայտնվել։ Թե ինչ հետևանքներով է դա լեցուն տարածաշրջանի համար` պատկերացնում ենք բոլորս։

-Ո՞րն է մեր դերն այս փոփոխություններում, և ի՞նչ զարգացման հիմք պետք է ունենանք։

Մեր առաջնահերթությունները պետք է մնան նույնը։ Մենք պետք է կարողանանք կառուցել արդյունավետ տնտեսություն, որի հիմքում կլինեն նորագույն տեխնոլոգիաները, ժամանակակից գիտատեխնիկական զինանոցն ու, իհարկե, մեր մտավոր ներուժը, որը պետք է գեներացնի նոր մտքեր, առաջարկի նոր լուծումներ ու ճանապարհային քարտեզը մշակելիս առաջնորդվի ինչպես տարածաշրջանում ընթացող գործընթացներով, այնպես էլ խորացնելով մեր հարաբերությունները ռազմավարական մեր գործընկերոջ` Ռուսաստանի Դաշնության հետ։

Գեոպոլիտիկ փոփոխությունների ընթացքում Ռուսաստանը շարունակում է կայուն կշիռ ունենալ միջազգային տարաբնույթ գործընթացներում, որոնց մասնակից է նաև մեր երկիրը։ Թվարկեցի  առաջնահերթություններ, որոնց քաղաքական պատասխանատվությունը ստանձնած թիմն ի զորու չէ իրագործել։

-Ո՞րն է Հայաստանի առաջնահերթությունները, ի՞նչ մոտեցում պետք է ընտրել

Հայաստանը պետք է ձևավորի զարգացման այնպիսի մոդել, որը թույլ կտա լինել մրցունակ` ժամանակակից մրցակցային աշխարհում։ Վստահ եմ, որ մենք այլընտրանք չունենք ու պիտի գնանք առաջ։

Հարկավոր է ունենալ արդյունավետ ու փոխհամաձայնեցված գործող դիվանագիտական հարթակ, ստեղծել տնտեսական նոր հեռանկարներ, նոր միջազգային կապեր։ Փորձել փոխել ձևավորվող մոդելն այնքան, որքան հարկավոր է մեր ինդիվիդուալ մոդելը ստանալու համար։

Այս թեմայով Ոչ ոք իրավունք չունի ժողովրդից գաղտնի, միանձնյա որոշումներ կայացնել մեր պետության ճակատագրի վերաբերյալ. Էնֆիաջյան Մինչ այս պահը բանակցությունները չեն տվել ցանկալի արդյունք. Վահե Էնֆիաջյան Առաջարկել եմ պետական դավաճանության և լրտեսության համար դատապարտել ցմահ ազատազրկման. Վահե Էնֆիաջյան Եթե այդքան խիզախություն ունեք` իջեք և պատասխանեք ժողովրդի հարցերին. Էնֆիաջյանը` ԱԺ-ում հարցուպատասխան իրականացնողներին «Հրապարակ». Այս ԱԺ-ի պատմության մեջ առաջին անգամ ընդունվեց ընդդիմության օրինագիծը Վահե Էնֆիաջյանն առաջարկում է պետական դավաճանության համար սահմանել պատիժ՝ ազատազրկում 20 տարի կամ ցմահ Ձեր խոսքը, ձեր միտքն ու կարծիքն այսօր շատ կարևորը է. Էնֆիաջյանը եկել էր մտավորականների հավաքին (տեսանյութ) Վահե Էնֆիաջյանը Բելառուսի գործերի ժամանակավոր հավատարմատարի առջեւ բարձրացրել է Բաքվին զենք վաճառելու հարցը Բանակցություններ վարելու առումով առանցքային դերակատարում ունի ՌԴ-ն. Էնֆիաջյան (տեսանյութ) Չհավատաք, որ մեկը կգա, ձեզ կասի՝ այդ հարցը կլուծեմ. այդ հարցը մեր ձեռքում չէ, որ կարողանանք լուծել. Ալեն Սիմոնյանը հանդիպեց ՌԴ մեկնել ցանկացողներին