«Օնիկ Գասպարյանի քայլերը լրջորեն տրամաբանված են». Հայկազ Բաղմանյանը միանում է Գլխավոր շտաբի պահանջին

ՀՀ Զինված ուժերի ԳՇ պետի նախկին տեղակալ, գեներալ-լեյտենանտ Հայկազ Բաղմանյանը միանում է ԳՇ գեներալների, սպաների, Զինված ուժերի ստորաբաժանումների հրամանատարների հայտարարությանը:

Գեներալն այս մասին ասել է  168.am-ի հետ զրույցում:

«Չեմ կարծում, որ Զինված ուժերն այդ հայտարարությունն անելով խորը չեն մտածել: Կարծում եմ` լուրջ որոշում են ընդունել և ես դրան միանում եմ, աջակցում եմ: Երկրի պարտված ղեկավարը չի կարող մնալ իր տեղում, նա դեռ նոյեմբերի 10-ին պիտի իր հրաժարականը ներկայացներ: Հիմա էլ ուզում է Մարտի մեկ անի, ինչպես դա արեց 2008-ին. կրակոցներ, մեքենաների վառել և այլն: Ինձ թվում է` 2008-ի ձայնագրությունները կան, թե ոնց էին ուրախանում, որ կրակոցները սկսվել են»,- նշեց գեներալ Բաղմանյանը:

Անդրադառնալով պնդումներին, թե ՀՀ զինված ուժերի գլխավոր շտաբի հայտարարությամբ փաստորեն բանակը խառնվում է ներքաղաքական գործընթացներին` գեներալը չհամաձայնեց:

«Բանակը չի խառնվում քաղաքական գործերին, երկրի անվտանգության խնդիր է: Դուք պատկերացրեք` 7 շրջան է հանձնվել, դրանից բացի հանձնվել է նաև Հադրութը, ինչի՞ մասին է խոսքը: Հիմա եթե ճիշտ որոշումներ չի կայացվում, բանակի ղեկավարությունն ինչի համար է, որ ապահովի երկրի անվտանգությունը: Ոչ մի հրամանատար իրավունք չունի երկրի անվտանգությանը սպառնացող, երկիրը կործանման տանող որևէ հրաման կատարի: ԳՇ-ի տրված բոլոր հրամաններն անվտանգության ապահովման խնդիր են լուծում: Դրա համար էլ մարդիկ հայտնում են իրենց կարծիքը»,- շեշտեց ՀՀ ԶՈՒ ԳՇ պետի նախկին տեղակալը:

Հայկազ Բաղմանյանը կարծում է, որ և՛ Ոստիկանությունը, և՛ ԱԱԾ-ն իրենց ղեկավարների հետ միասին այնքան կամքի ուժ կունենան, որ Նիկոլ Փաշինյանի հրամանները չեն կատարի: Ավելին, նա վստահ է, որ կան մարդիկ այս կառույցներում, որ չեն կատարում Փաշինյանի հրամանները, նրանց քանակը շատանալու է:

«Որովհետ իրենք` այդ ուսադիր կրողները, ներքուստ պատկերացնում են, թե ինչ է կատարվել, կատարվում, ուղղակի ստիպված գնում են ինչ-որ քայլերի: Բայց չեմ կարծում, որ Ոստիկանությունը, ԱԱԾ-ն կփորձի դուրս գալ ժողովրդի դեմ»,- շեշտեց Հայկազ Բաղմանյանը:

Խոսելով Օնիկ Գասպարյանից, որպես զինվորականի և գեներալի, գեներալ Բաղմանյանն ասաց, որ Օնիկ Գասպարյանը շատ գրագետ սպա է, գեներալ, ուստի պատահական չէ, որ նա այսօր ՀՀ ԶՈՒ ԳՇ պետն է:

«Օնիկ Գասպարյանի քայլերը լրջորեն տրամաբանված են, նա օդից ոչինչ չի ասում, նույնը եղել է նա պատերազմի ժամանակ: Ես կարծում եմ, որ այն որոշումները, որ կայացրել է Գասպարյանը, չի հաստատվել գերագույն գլխավոր հրամանատարի կողմից և չի կիրառվել: Ես համոզված եմ, որ Օնիկ Գասպարյանը ճիշտ որոշումներ է կայացրել, որոնք զեկուցվել են Նիկոլ Փաշինյանին, իսկ նա մերժել է, թույլ չի տվել կիրառել: Իսկ պատերազմից հետո, քանի որ Նիկոլ Փաշինյանն այն անձը չէ, որ պատասխանատվությունն իր վրա վերցնի, ամեն ինչ սկսեց բարդել բանակի վրա, որ այն չի արվել սա չի արվել: Մովսես Հակոբյանն իր ասուլիսի ժամանակ լուրջ մեղադրանքներ առաջ բերեց, իսկ այդ ամենի մեղավորը մեկ մարդ է` Նիկոլ Փաշինյանը»,- եզրափակեց Հայկազ Բաղմանյանը:

Այս թեմայով Վեհափառի առաջ ծնկի եմ գալու, որ թույլ տա հատուցման պահանջ դնենք, մեր հարկերից են պարգևավճար ստանում. Բագրատ Սրբազան (տեսանյութ) Ամեն ինչ նորմալ է, Փաշինյանի հրաժարականի մասով քննարկում չկա. ՔՊ-ական պատգամավոր (տեսանյութ) Ինչո՞ւ հանկարծ նախկին գլխավոր դատախազ Արթուր Դավթյանը խոսեց Նիկոլ Փաշինյանի հրաժարականի մասին Մենք հայրենիք ունենք փրկելու. գոյության խնդիր է արդեն. Արցախում նահատակված Հայկազ Մկրտչյանի մայր (տեսանյութ) Պահանջ ներկայացրեք Բաքվին, ասեք դուրս եկեք Ջերմուկից, Ջողազի ջրամբարից, հետո արեք դելիմիտացիա (տեսանյութ) Փողոցային պայքարի պարտադրանքի ուժով ԱԺ-ին պետք է ներկայացվի կառավարությանն անվստահություն հայտնելու պահանջ. Անանյան Կուրսանտ Հայկազ Բարսեղյանի սպանության գործով ամբաստանյալները դատապարտվեցին 18 տարվա ազատազրկման․ «Փաստինֆո» Իսրայելում տեղի է ունեցել վարչապետի հրաժարականի պահանջով ամենամեծ ցույցը ԵԱՏՄ տեխնիկական կանոնակարգեր՝ համապատասխանության գնահատման փաստաթղթերի առկայության պարտադիր պահանջ Դատարանը Գարիկ Գալեյանի գործով մեկ պահանջ է սահմանել. նա կկարողանա այցելել որդու շիրիմին