Նվեր Գրիգորյանը ոչնչացրել է թշնամու 80-ից ավելի զինվորի, հերոսաբար զոհվել՝ փրկելով զինակից ընկերների կյանքը (տեսանյութ)

Գրիգորյանների ընտանիքը, երկար ժամանակ լուր չունենալով իրենց որդուց՝ Նվեր Գրիգորյանից, կարծել է, թե նա անհետ կորած է: Երկու ամիս անց, սակայն, իմացել են ցավալին՝ Նվերը հերոսացել է հանուն հայրենիքի:

Նվերը, որ բանակ էր զորակոչվել 2019 թվականին, ծառայում էր Մարտակերտի N զորամասում: Ընդամենը երեք ամիս ու Նվերը տուն կվերադառնար, ընտանիքի ու հարազատների կողքին կլիներ: Սակայն պատերազմը ի չիք դարձրեց բոլոր սպասումներն ու հույսերը:

Չխնայելով ոչինչ՝ Նվերը խիզախաբար մարտնչել է Մարտակերտի, ապա՝ Մարտունու պաշտպանական դիրքերում։

«Պատերազմի ընթացքում Նվերին տեղափոխել էին Մարտունի 2: Հրամանատարի մահից հետո, եղբայրս իր վրա է վերցրել հրամանատարությունը, ոչնչացրել թշնամու 80-ից ավելի զինվորի: Հոկտեմբերի 29-ին փրկել է 25 զինակից ընկերների կյանքը և նույն օրը հերոսաբար զոհվել իր պահած դիրքում՝ ոչ մի մետր չնահանջելով»,- ԼՈՒՐԵՐ.com-ի հետ զրույցում պատմեց Նվերի եղբայրը՝ Նոդար Գրիգորյանը:

Նվերը պարբերաբար զանգում էր հարազատներին, հետաքրքրվում նրանց որպիսությամբ. «Ասում էր, որ ամեն ինչ լավ է, անհանգստանալու ոչինչ չկա»,- նշեց Նոդարը:

Վերջին անգամ հերոսը զանգել է մայրիկին, սակայն հաջորդ օրը սպասված զանգն ուշացավ հավետ:

20-ամյա Նվերի հերոսանալու լուրն ընտանիքը իմացել է հոկտեմբերի 31-ին, բայց, քանի որ մարմինը չէին կարողանում գտնել, հույս են ունեցել, որ որդին ինչ-որ վայրում թաքնված է և ողջ է: Հունվարի 17-ին, սակայն, ԴՆԹ թեստավորման միջոցով միայն, գտել են Նվերի անշնչացած մարմինը:

Նվերը Շիրակի մարզի Տուֆաշեն գյուղից էր։ Ընտանիքի միջնեկ զավակն էր, ունի քույր և եղբայր։ Բարի, աշխույժ ու աշխատասեր Նվերը բազում երազանքներ ու նպատակներ ուներ: Սիրում էր նկարել ու մեքենա վարել:

Նվեր Գրիգորյանը հուղարկավորվել է հայրենի Տուֆաշեն գյուղում։ Մարտի 3-ին՝ Արցախի Հանրապետության սահմանները պաշտպանելու, ցուցաբերած արիության և խիզախության համար, Նվերը հետմահու պարգևատրվել է «Մարտական ծառայության» մեդալով:

Արփինե Հակոբյան

Այս թեմայով Պայթուցիկներից մի քանիսն իմ կողքն են ընկել, վախենա՞մ, իմ պատերազմ գնացած տղային ես եմ դաստիարակել ու էստեղ կանգնած եմ՝ առանց վախենալու. Զոհվածի հայր (տեսանյութ) Ո՞ւմ շահերն են պաշտպանում, Ադրբեջանի՞. վարչապետ կոչեցյալը չէ՞ր ասում՝ Արցախը Ադրբեջան է. Ստեփանակերտի քաղաքապետի կին Բաղրամյան պողոտայում դաժան ծեծի են ենթարկել 44-օրյա պատերազմի հերոս Արշակ Մելիքյանի եղբորը «Հայրենիք»ը դատապարտում է ցուցարարների նկատմամբ ոստիկանության անօրինական գործողությունները. Վանեցյան Քաղաքացիական պատերազմ կլինի, իրենց ուզածը դա է. Տիրան Խաչատրյան (տեսանյութ) Մսխեցին ամեն բան. Սրբազանը շնորհավորեց Ազգային հերոս Ավոյի ծնունդը.հնչեցին երկարատև ծահահարություններ Վարվիր այնպես, որ սերունդներիդ ունենաս ժառանգելու Հայրենիք և պատիվ․ «Որդիների կանչ» Այս պայքարի ակնկալիքը մեկն է՝ Հայրենիք և պատիվ. Սրբազան ՔՊ-ի ներսի մարդկանց համար այժմ Հայրենիք բառը հայհոյանք է, ուր մնաց` դա գիտակցեն․ Սոֆյա Հովսեփյան (տեսանյութ) Ադրբեջանցի զինվոր է հատել ՀՀ սահմանը