Էլ ո՞նց պետք է լիներ. իմքայլական պատգամավորը՝ հնարավոր քարոզարշավը անվտանգության աշխատակիցներով իրականացնելու մասին

Կասկածներ ունեմ, որ թե՛ «Լուսավոր Հայաստան», թե՛ «Բարգավաճ Հայաստան» խմբակցությունները պատրաստ են գնալ արտահերթ խորհրդարանական ընտրությունների: Այս մասին ԼՈՒՐԵՐ.com-ի հետ զրույցում ասաց «Իմ քայլը» խմբակցության պատգամավոր Արթուր Հովհաննիսյանը:

«Վստահություն չունեմ, որ «Բարգավաճ Հայաստան» խմբակցությունը կգնա արտահերթ խորհրդարանական ընտրությունների, որովհետև որևէ մեկը կոնկրետ պատասխան չի էլ հնչեցրել»,-նշեց պատգամավորը:

Հարցին, թե ինչպես է արտահերթ խորհրդարանական ընտրությունների դեպքում «Իմ քայլը» դաշինքը իրականացնելու ընտրական քարոզարշավ, Հովհաննիսյանը պատասխանեց, որ դեռ վաղ է դրա մասին խոսելը. «Ժամանակը կգա, կիրականացնենք, կտեսնեք: Մենք բոլորս էլ ազատ տեղաշարժվում ենք, պարոն Փաշինյանի անվտանգությունն են ապահովում, որովհետև նոյեմբերի 9-ի գիշերվանից հետո, էլ ո՞նց պետք է լիներ»:

Դիտարկմանը, թե իմքայլական պատգամավորի համար նորմա՞լ է, որ քարոզարշավը պետք է իրականացնեն անվտանգության աշխատակիցներով և ոստիկաններով շրջապատված, Հովհաննիսյանը դրական արձագանքեց:

«Եթե լինի անվտանգության խնդիր՝ վարչապետի անվտանգությունը պետք է պահպանվի, սա, կարծում եմ, տրամաբանական է: Պետության պարտավորությունն է՝ ապահովել երկրի ղեկավարի անվտանգությունը. այստեղ որևէ տարօրինակ բան չկա, եթե անվտանգության սպառնալիքները շատ են՝ աշխատակիցները ևս պետք է շատ լինեն, ամեն ինչ տրամաբանական է»,- ընդգծեց Հովհաննիսյանը:

Պատգամավորը հավելեց, որ օրակարգում դեռևս չկա Փաշինյան-Ծառուկյան հանդիպումը:

Անդրադառնալով Հովհաննես Ազոյանի՝ Մեհրիբան Ալիևայի ֆեյսբուքյան հրապարակման մեկնաբանություններում վերջինիս խաղաղության կոչին, իմքայլական պատգամավորը շեշտեց, որ ինքը որևէ վերաբերմունք չունի, սակայն անիմաստ էր նման բան անելը:

Արփինե Հակոբյան

Այս թեմայով Մարզերում ոստիկաններ չեն մնացել, անգամ քրեական հետախուզության ծառայողներն են այստեղ. պատգամավոր (տեսանյութ) Դատախազությունը պահանջում է նախկին պատգամավոր Այվազյանից բռնագանձել շուրջ 20 մլրդ դրամ, անշարժ և շարժական գույքեր Վրաստանի խորհրդարանում ջուր են լցրել ընդդիմադիր պատգամավոր Գիորգի Վաշաձեի վրա (տեսանյութ) ՊՆ նախարար կա, ուսուցիչ, դա է եկել, ինձ խնդրել, որ «Իմ քայլով» պատգամավոր դառնամ. Բագրատ Սրբազան Բերետները փորձում են ներխուժել ՀՅԴ գրասենյակ, բերման են ենթարկել ընդդիմադիր պատգամավոր Աշոտ Սիմոնյանին Իմպիչմենթի գործընթաց խորհրդարանում չկա, հանգիստ եղեք. ՔՊ-ական պատգամավոր (տեսանյութ) Լարված իրավիճակ. «Ես պատգամավոր եմ, պարտավոր եք ինձ ասել՝ ինչի եք ստեղ պատ կազմել» (տեսանյութ) Ամեն ինչ նորմալ է, Փաշինյանի հրաժարականի մասով քննարկում չկա. ՔՊ-ական պատգամավոր (տեսանյութ) «Չի կարելի գյուղ մտնել», «Ես պատգամավոր եմ, որ օրենքով չեք թողնում». Կիրանցը կրկին բլոկադայի մեջ է (տեսանյութ) ԱԺ պատգամավոր Գեղամ Նազարյանը հունից դուրս եկավ՝ պահանջում է դադարացնել նկարահանումը Կիրանցում (տեսանյութ)